Microsoft Word mvmao uzk doc

Товар ишлаб чиқариш ва сотиш имкониятларини таҳлил этиш. 
Фирма раҳбарияти товар лойиҳаси ва маркетинг стратегиясини кўриб чиқиб, 
лойиҳанинг қай даражада самарадорлигини аниқлаши керак. Бунинг учун 
режадаги сотиш миқдори, кўриладиган фойда ва зарарнинг кўрсаткичларини 
таҳлил қилиш керак. Агар таҳлилнинг натижалари қониқарли бўлса, тўғридан-
тўғри товарни лойиҳадан реал товарга айлантириш жараёни бошланади. 
Товар намунасини яратиш. Агар товар лойиҳаси таҳлил босқичидан 
муваффақиятли ўтса, кейинги босқичда лойиҳа реал товарга айланади. Шу 
вақтгача товар қоғозда, расмларда, макетлардагина эди. Бу босқичда 
лойиҳадаги товарни хақиқатдан ҳам амалга ошириш мумкинми, йўқми, уни 

---

304
рўёбга чиқариш техник, коммерция нуқтаи назаридан мақсадга мувофиқми, 
йўқми, деган саволга жавоб олинади. 
Тадқиқотлар ва изланишлар бўлими товар лойиҳасини бир ёки бир неча 
вариантини яратадилар. Бу вариантлар ушбу талабларга жавоб бериши керак: 
I. Истеъмолчилар рекламада эълон қилинган барча ҳусусиятларни 
ўзида мужассам этган товар сифатида қабул қилишлари керак. 
II. У хавфсиз бўлиб, мўтаъдил шароитларда ишончли ишлаши керак. 
III. Унинг таннархи режалаштирилган сметадан ошиб кетмаслигини 
таъминлаш керак. 
Лойиҳанинг муваффақиятли намунасини яратиш учун кунлар, ҳафталар, 
ойлар, ҳатто йиллар ўтиши мумкин. Яратилган намуна барча зарур 
хусусиятларни ўзида намоён этиши керак. Масалан, электромобиль 
истеъмолчида ўта пишиқ ишланган, пухта, хавфсиз машина сифатида тассурот 
қолдириши керак. 
Намуналар тайёр бўлгандан кейин, улар синалади. Синовлар 
лаборатория, табиий шароитларда ўтказилади. Электромобиль енгил юриши, 
бурилишларда кўтарилиб кетмаслиги, шиналари чидамли бўлиши керак. Синов 
жараёнида истеъмолчидан электромобилни ҳайдаб кўриш таклиф этилади, 
фикр-мулоҳазалари сўралади.