Microsoft Word Umumiy soliqlar va soliqqa tortish rtf rtf

Soliq majburiyati - soliq to‘lovchining soliq to‘g‘risidagi 
qonun hujjatlariga muvofiq yuzaga keladigan majburiyati soliq 
majburiyati deb e’tirof etiladi. 
Soliq stavkasi – soliqqa tortish birligiga to‘g‘ri keluvchi 
soliqning hajmi (miqdori, darajasi). Qat’iy soliq stavkalari 

---

360
daromadlarga bog‘liq bo‘lmagan holda soliqqa tortish birligiga 
nisbatan qat’iy summalarida o‘rnatiladi. 
Soliq tizimi - mamlakat doirasida (hududida) to‘lovlardan 
(yuridik va jisoniy shaxslardan) belgilangan tartibda olinadigan 
soliqlar, yig‘imlar va boshqa to‘lovlar hamda ular tarkibiy 
tuzilishining shakli va uslublari yig‘indisi.
Soliq qonunchiligi – davlatda soliqlarning turi, ularni undirish 
mexanizmi va soliq majburiyatlarining vujudga kelishi, o‘zgarishi 
va to‘xtatishini tartibga solib turuvchi yuridik me’yorlar yig‘indisi; 
moliyaviy huquq instituti. Soliq huquq davlatning ijtimoiy-iqtisodiy 
tuzilishi (qurilishi), uning vazifa va funksiyalari bilan belgilanadi. 
Soliq to‘lovlari – soliq qonunchiligi bo‘yicha belgilangan 
tartibda va muddatda soliq to‘lovchilar tomonidan to‘lanadigan, 
hisoblangan yoki qat’iylashtirilgan summalardir. Ularni hisoblash 
tartibi har bir soliq turi bo‘yicha qonunga binoan aniqlanadi. 
Soliq tushumlari - Moliya vazirligi tomonidan tasdiqlangan 
byudjet daromadlari va xarajatlari klassifikatsiyasining daromadlari 
qismidagi har bir soliq va boshqa majburiy to‘lovlarga 
mo‘ljallangan qism, band, kod va moddaga muvofiq vakolotli 
banklarning hisob-kitob raqamiga yoziladigan, hisoblangan va 
haqiqatda kelib tushgan soliq to‘lovlari va moliyaviy sanksiyalar. 
Soliq hisoboti - soliq to‘lovchining soliq va boshqa majburiy 
to‘lovning har bir turi bo‘yicha yoki to‘langan daromadlar bo‘yicha 
hisob-kitoblar hamda soliq deklaratsiyalarini, shuningdek hisob-
kitoblarga va soliq deklaratsiyalariga doir ilovalarni o‘z ichiga 
oladigan hujjati bo‘lib, u O‘zbekiston Respublikasi Davlat soliq 
qo‘mitasi va O‘zbekiston Respublikasi Moliya vazirligi tomonidan 
tasdiqlanadigan shaklda tuziladi. 
Soliq nazorati - soliq to‘lovchilarni, soliq solish obyektlarini va 
soliq solish bilan bog‘liq obyektlarni hisobga olishning, shuningdek 

---

361
soliq to‘g‘risidagi qonun hujjatlariga rioya etilishini nazorat 
qilishning yagona tizimi.