«Noshir» 2019 iqtisodiy va ijtimoiy geografiya

Mustaqil bajarish uchun topshiriq: 

№

_

130. 
Jahonda 2017-yil ma‘lumotlariga ko‘ra, yaratilayotgan elektr-
energiyaning 64 foizi IES, 19 foizi GES, 16 foizi AES va 1 foizi noan‘anaviy
elektr stansiyalarda ishlab chiqarilishidan foydalanib, jahon elektr-energetika 
sanoatining tarmoq tarkibi diagrammasini shakllantiring.


III.6.2. Elektr - energiya omili 
Fan – texnika inqilobi natijasida jahonda texnika va texnologiya, barcha
tarmoqlar taraqqiy etib, misli ko‘rilmagan darajada rivojlanib ketdi. Shuningdek, 
ishlab chiqarish ham tub o‘zgarish va rivojlanishlar ta‘sirida tadrijiy takomillashib
bormoqda. Shu xususida, tabiiyki, iqtisodiyot tarmoqlari hamda mintaqalarning 
rivojlanishi turli xil omil va sharoitlarga ham bog‘liq bo‘ladi. Ishlab chiqarish
tarmoqlarini joylashtirishda xomashyo, yoqilg‘i, elektr quvvati, suv va iqlim 
sharoitlari, mehnat resurslari, iste‘mol va transport, iqtisodiy geografik o‘rin kabi
omillar muhim ahamiyatga ega.
Ko‘rinib turibdiki, ishlab chiqarish kuchlarini joylashtirishga ta‘sir etuvchi
omillar juda ko‘p. Modomiki bu omillar ko‘p ekan, demak:



ularning ta‘sir darajasi har xil bo‘ladi; 



bu omillarni guruhlash, ustuvorligini aniqlash talab etiladi; 


omillar va ishlab chiqarishni joylashtirishni o‘rganishda kompleks 


(ya‘ni har tomonlama) yondashuv zarur. 
U yoki bu omilning ta‘sir darajasi uning mahsulot chiqarishdagi 

―solishtirma og‘irligi‖ bilan o‘lchanadi yoki uning mahsulot birligi bilan nisbati

hisobga olinadi. Albatta, jamiyat taraqqiyoti, fan-texnika rivoji va boshqa sabablar 
tufayli omillarni ta‘sirchanligi o‘zgarib boradi.

---

---