O'zbekiston Milliy Ensiklopediyasi indd

РУДЕРАЛ ҒЎЗАЛАР, ғўзанинг ру-
дерал шакллари, ғўзанинг ярим ёввойи 
шакллари — ёввойи ғўзадан маданий-
тропик ғўзага ўтган шакллар; маданий-
лаштирилган ғўзанинг иккинчи эволю-
цион шакли.
Улар ғўзанинг ибтидоий (примитив) 
шаклларидан ўсиш жойининг ўзгариши 
натижасида пайдо бўлган. Р.ғ. толаси 
юқори сифатли (кўпинча оқ), баргла-
ри ва чигитлари йирик бўлиб, одамлар 
яшайдиган жойларга яқин ерларда ярим 
ёввойи ҳолда ўсаверади. Ҳар бир мада-
нийлаштирилган ғўза турининг ўзига 
хос рудерал шакллари мавжуд (Мексика 
ғўзасида нуқтали ғўза кенжа тури, афри-
каосиё ғўзасида сохта арбореум кенжа 
тури ва ҳ.к.).
Барча Р.ғ. полиморфизмнинг маълум 
даражада ўзгарувчанлиги, тезпишарли-
ги, чигитининг тукланиши, каттакичи-
клиги, барги ҳамда кўсагининг шакли ва 
ҳ.к. б-н ажралиб туради. Р.ғ. орасида ама-
лий селекция учун қимматли шакллари 
мавжуд, Мас, Мексика ғўзасининг Hopi 
(Хопи) шакли чигитида госсипол мод-
даси кам янги ғўза навларини яратишда 
асос бўлиб хизмат қилган.
Абдумавлон Абдуллаев.
РУДЗУТАК Ян Эрнестович [1887.3 
(15).8, Курляндия губернияси Гольдин-
генск уезди (ҳоз. Латвия) — 1938.28.7, 
Москва] — Туркистонда большевикча 
режимни мустаҳкамлашда қатнашган со-
вет сиёсатчиларидан бири. РКП (б) МК 
Туркбюро раиси (1921 й. март— окт.), 
РКП(б) МК Ўрта Осиё бюроси раиси 
(192223), РКП(б) МК котиби (1923 й. 
апр. — 1924 й. май). Г.К.Оржоникидзе 
б-н биргаликда Туркбюро ўрнида Ўрта 
Осиё бюроси (Средазбюро) тузилиши-
нинг ташаббускори. Бухоро Халқ Совет 
Республикаси (БХСР) ҳукумати таркиби-
дан миллий раҳбар ходимларни чиқарган 
ва Бухородан сургун қиддирган (1923 й. 
июнь). БХСР ва ХХСР ни советлашти-
риш жараёнига раҳбарлик қилган. Кей-
инчалик СССР темир йўллар халқ комис-
сари (192430), СССР ХКС ҳамда СССР
Меҳнат ва мудофаа кенгаши раиси-
нинг ўринбосари (1926—37). Совет ре-
жимига садоқат б-н хизмат қилса ҳам 
қамоққа олинган (1937 й. 24 май) ва отиб 
ташланган.