O'zbekiston respublikasi oliy va o'rta maxsus ta'lim vazirligi qoraqalpoq Davlat Universiteti

O'ZBEKISTON RESPUBLIKASI
OLIY VA O'RTA MAXSUS TA'LIM VAZIRLIGI
Qoraqalpoq Davlat Universiteti
Kimyo-texnalogiya fakulteti
2 E Kimyo guruhi yo’nalishi
talabasi
------------------------------ning
FIZIK KIMYO fanidan
Eritmalarning qaynash harorati. Ebuloskopiya mavzusida
KURS ISHI




NUKUS-2020
MUNDARIJA:

	Kirish	3-6
I.	Asosiy qism:	6
а)	Eritmalar ustidagi bug’ bosimi	6-9
b)	Oddiy sistemalarda to’yingan bug’ bosim	9-16
с)	Klаpеyrоn-Klаuzius tеnglаmаsi	16-19
d)	Suyultirilgan eritmalarning qaynash temperaturasi	19-21
e)	Suyultirilgan eritmalarning muzlash temperaturasi	21-22
II.	Tajriba qismi:	22
a)	Turli suyuqliklarning to’yingan bug’ bosimini aniqlash.	22-24
b)	Yengil uchuvchi suyuqliklarning to’yingan bug’ bosimini aniqlash	24-26
	Xulosa	28
	Foydalanilgan adabiyotlar	29

Kirish
Eritmalar. Eritmalar klassifikasiyasi
Ikki yoki bir necha moddadan iborat bir jinsli (gomogen) sistemalar eritmalar deb ataladi. Eritma hajmining barcha qismlarida kimyoviy tarkib va fizik xossalar bir xil bo’ladi. Suvdan eritmalar tayyorlashda foydalaniladi. Bunda moddalarning suv bilan aralashmalari nazarda tutilsa, xato bo’ladi. Suvda eriydigan moddalar "erish" hodisasi sababli suvda erib, eritmalar hosil qiladi.
Erish - moddaning erituvchi ta'sirida molekulalarga ajralishi. Masalan: Shakar suvga solinganda shakar moddasi suv ta'sirida molekulalarga ajralib, suv bilan aralashib ketadi (diffuziya sodir bo’ladi), bu shakarning suvda erishi deyiladi. Erish jarayonida o’z agregat holatini saqlab qoluvchi modda ko’pincha erituvchi deb qabul qilinadi; u eritmada nisbatan ko’p bo’ladi, erigan modda eritmada oz miqdorda bo’ladi va eritma hajmi bo’ylab bir tekis taqsimlanadi. Erigan moddaning qanday holatda va uning zarrachalari o’lchamiga qarab eritmalar uch guruhga bo’linadi:

1. 
   Molekulyar–dispers eritmalar.
   
2. 
   Ion–dispers eritmalar.
   
3. 
   Kolloid eritmalar.
   

Molekulyar-dispers eritmalarda erigan modda molekulalargacha parchalangan bo’ladi. Misol sifatida, saxaroza C₁₂H₂₂O₁₁ ning suvdagi eritmasini olish mumkin.
Ion dispers eritmalarda erigan modda ionlargacha parchalangan bo’ladi. Bunga misol sifatida NaCI ning suvdagi eritmasini keltirish mumkin. Kolloid eritmalarda-erigan modda a1-10^-3nm kattalikdagi zarralarga ajralgan bo’ladi. misol sifatida oqsilning suvdagi eritmasini olish mumkin (nm-nanometr,1nm 10^–9m yoki , ).