Өзбекстан республикасы жоғары және орта арнаулы білім беру уәзірлігі

3.1.2. Тәрбиенің мiндеттері мен мазмұны.
«Тәрбие» түсінігі өте кең, оны қоғамдық құбылыс, қызмет, процесс, құндылық, система, ықпал, өзара әрекет ретінде түсінуге болады.
Оқу-тәрбие мекемелерінде амалға асырылатын тәрбие кең педагогика-лық мағынада – бұл коллективтің, тәрбиешілердің тәрбиеленушіде белгілі бір қасиеттерді қалыптастыру мақсатында оқу-тәрбие мекемелерінде іске асырылатын және барлық оқу-тәрбие процесін қамтитын, арнайы ұйымдасты-рылған, мақсатқа бағытталған, басқарылатын ықпал жасау, ал тар педагоги-калық мағынада тәрбие – бұл анық тәрбиелік міндеттерді шешуге бағыттал-ған тәрбиелік жұмыс процесі мен нәтижесінің системасы деп қаралады.
Оқу-тәрбие мекемелерінде берілетін тәрбиенің негізгi мiндеттерi:

• 
  дүниетанымы кең, ой-өpісi жоғары, жан-жақты дамыған адамның негізін қалыптастыру;
  
• 
  еңбек, қоғам, отбасы және уақытты пайдалана білуге әзірлеу;
  
• 
  кәсіп таңдауға, өз тағдырын өзi шешуге мүмкіншілiк жасау;
  
• 
  жастардың өзiн-өзi тәрбиелеуiне, өз бетімен білiм алуына мүмкіндік жасау.
  

Тәрбиенің мазмұны дегенде тәрбиенің мақсаты мен міндеттеріне сай оқушылар меңгеруі керек болған білімдер, сенімдер, дағдылар және жеке адамның сапалары мен келбеті, мінез-құлықтың тұрақты әдеттері түсініледі.
Тәрбиенің мақсаты тәрбиенің барлық сатысында алға қойған мiндеттер-ге сай, балалардың даму және жас ерекшелiктерi ескеріле отырып, тәрбие салаларының мазмұны арқылы іске асырылады.
Тәрбиенің салалары: ақыл-ой, адамгершілік, еңбек, дене, эстетикалық, экономикалық, құқықтық, экологиялық.
Ақыл-ой тәрбиесiнің мазмұнына оқушылардың ойлау қабілетін, дүние-ге ғылыми көзқарасын жетілдiру және қалыптастыру, ғылыми білiммен қару-ландыру жатады.
Адамгершілік тәрбиесі мазмұнына адамгершілік мінез-құлық нормала-рын қалыптастыру: семьяға, Отанға адал болуды тәрбиелеу, халықтар досты-ғын құрметтеу, адамгершілік парызын сезіну жатады.