Өзбекстан республикасының жынаят кодекси 2023 жыл Өзбекстан республикасының жынаят кодекси

ХIII БАП. ХОЖАЛЫҚ ИСКЕРЛИГИ ТАРАЎЫНДАҒЫ ЖЫНАЯТЛАР
186-статья. Қәўипсизлик талапларина жуўап бермейтуғин товарларды өткериў мақсетин гөзлеп ислеп шығарыў, сақлаў тасыў яки өткериў, ислерин орынлаў яки хизметлер көрсетиў
Қарыйдарлардиң өмир ямаса денсаўлығы қәўипсизлиги талапларина жуўап бермейтуғин товарларды өткериў мақсетин гөзлеп ислеп шығыў сақлаў, тасыў яки өткериў, ислерди орынлаў ямаса хизметлер көрсетиў, —
базалық есаплаў муғдарының жүз есесинен еки есесине шекем муғдарда жәрийма ямаса үш жүз саатқа шекем мәжбурий жәмийетлик жумислары яки еки жылға шекем мийнет пенен дүзетиў жумислари менен жазаланады.
Усы ҳәрекетлер денеге орташа аўыр яки аўыр зыян келтириўге себеп болса, —
базалық есаплаў муғдарының еки жүз есесинен төрт жүз есесине шекем муғдарда жәрийма ямаса үш жүз сааттан үш жүз алпыс саатқа шекем мәжбурий жәмийетлик жумыслары ямаса еки жылдан үш жылға шекем мийнет пенен дүзетиў жумыслары яки бир жилдан үш жылға шекем еркин шеклеў ямаса үш жылға шекем еркинен айырыў менен жазаланады.
Усы ҳәрекетлер адам өлиўине себеп болса, —
үш жылдан жети жылға шекем еркинен айырыў менен жазаланади.
Усы ҳәрекетлер:
а) адамлар өлимине;
б) басқаша аўыр ақыбетлердиң келип шығыўына себеп болса, —
жети жылдан он жылға шекем еркинен айыры менен жазаланады

186¹-статья. Этил спирти, алкогольли өним ҳәм темеки өнимин нызамға қылап түрде ислеп шығарыў яки айланысқа киргизиў
Этил спирти, алкогольлы ҳәм темеки өнимлерин нызамға қылап түрде ислеп шығарыў яки айланысқа киргизиў әдеўир муғдарда яки сондай ҳәрекетлер ушын ҳәкимшилик жаза қолланылғанынан кейин исленген болса.
базалық есаплаў муғдарының еки жүз есесинен төрт жүз есесине шекем муғдарда жәрийма ямаса үш жылға шекем мийнет пенен дүзетиў жумыслары ямаса еки жылдан бес жылға шекем еркин шеклеў яки бес жылға шекем еркинен айырыў менен жазаланады.
Усы ҳәрекетлер:
а) көп муғдарда ;
б) бир топар шахслар тәрепинен алдыннан тил бириктирип;
в) тәкираран ямаса қәўипли рецидивист тәрепинен;
г) хызмет лаўазымын пайдаланып қыянет етиў жолы менен исленген болса, —
базалық есаплаў муғдарының төрт жүз есесинен алты жүз есесине шекем муғдарда жәрийма ямаса бес жылдан жети жылға шекем еркинен айырыў менен жазаланады.
Усы ҳәрекетлер:
а) оғада көп муғдарда ;
б) шөлкемлескен топар тәрепинен ямаса оның мәплерин гөзлеп исленген болса, —
жети жылдан он еки жылға шекем еркинен айырыў менен жазаланады.
Этил спирти, алкогольлы өним ҳәм темеки өнимин көп муғдарда яки оғада көп муғдарда нызамға қылап түрде ислеп шығарыў яки айланысқа киргизиўге ҳәкимият яки лаўазым ўәкилликлерин пайдаланып қыянет етиў жолы менен қәўендерлик етиў, —
жети жылдан он еки жылға шекем еркинен айырыў менен жазаланады.