Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Adabiyot g’alaba uchun. O`zbek yozuvchi-shoirlari urush yillarida 
ko`chirib keltirilgan rus, ukrain, belorus, moldavan yozuvi-shoirlari bilan 
hamkorlik qildi. Ular hamkorlikda “Biz engamiz” degan almanax, “O`zbekiston 
shoirlari-frontda” degan antologiya chop etdilar. H.Olimjon, Uyg’un, S.Abdulla, 
N.Pogodin birgalikda “O`zbekiston qilichi” musiqali dramasini yaratdi.
Urush yillarida Oybekning “Navoiy” va “Qutlug’ qon” romanlari, 
A.Qahhorning “Oltin yulduz” qissasi va “Xotinlar” asarlari yaratildi, she’riyat 
yuksaldi. H.Olimjon “Qo`lingga qurol ol”, “Sharqdan g’arbga ketayotgan do`stga”, 
“Jangchi Tursun”, “Roksananing ko`z yoshlari” asarlarini yaratdi. G’.G’ulom “Sen 
etim emassan”, “Men-yahudiyman”, “Bizning ko`chada ham bayram bo`lajak” 
asarlarini yozdi. Uyg’un “Qasam”, “Bir qadam ham orqaga chekinilmasin”, 
“Maktub” asarlarini yozdi. M.Shayxzodaning “Ona kuzatmoqda”, “Kapitan 
Gastello” she’rlari; S.Jo`raning “Pulemyotchi ovozi”, “Nayzamiz” she’rlari; 
Sh.Rashidovning “Qahrim” she’rlar to`plami chop etildi.

---

406 
Ommaviy axborot vositalaridan urush yillarida O`zbekistonda 200 ga 
yaqin gazeta, shundan 124 tasi o`zbek tilida, 52 ta jurnal, shundan 19 tasi o`zbek 
tilida nashr etilar edi. Gazetalarning bir gallik adadi 900 ming edi, shundan 600 
ming nusxasi o`zbek tilida chiqar edi.
O`zbekistonlik yozuvchi va jurnalistlardan T.Rustamov va R.Muhammadiy 
sovet armiyasi bosh boshqarmasida inspektor bo`lib xizmat qildi. J.Azizxonov, 
R.Abdurahmonov, A.Rahmat, Sh.Bo`latov, M.Murodov, Y.Bilolov front 
gazetalarida muharrir o`rinbosarlari bo`lib xizmat qildi. N.Safarov, M.Ismoiliy, 
Z.Fatxullin, M.Jo`ra, S.Jo`ra, T.Ernazarov harbiy muxbir sifatida va 
jurnalistikaning jangavor sohalarida faoliyat ko`rsatdi.
Urush yillarida o`zbek tilida 14 ta front va 12 ta dviziya gazetasi, “Front 
haqiqati”, “Qizil askar haqiqati”, “Qizil armiya”, “Vatan sharafi uchun”, 
“Dushmanga qarshi olg’a” kabi gazetalar nashr etilgan. Madaniy-ma’rifiy 
muassasalardan: 754 ta kino qurilma, 11 ta muzey, 360 ta qiroatxona, 1044 ta klub, 
433 ta kutubxona, 2800 ta qizil choyxona omma orasida siyosiy, ma’rifiy, 
tarbiyaviy ishlarni olib borish markazi edi.