Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Aloqa xizmati 1992 yil 13 yanvarda qabul qilingan «Aloqa to`g’risida» 
Qonun asosida butunlay qayta isloh qilindi. O`zbekiston 1992 yil Xalqaro 
elektroaloqa ittifoqi a’zoligiga qabul qilingach, aloqa tarmoqlarini rivojlantirish 
bo`yicha xorijiy mamlakatlar bilan hamkorlik yo`lga qo`yildi. O`zbekiston hozirgi 
paytda AQSH, Yaponiya, Germaniya, Italiya, Turkiya, Janubiy Koreya, 
Indoneziya bilan hamkorlik qilmoqda.
O`zbekistonning aloqa xo`jaligi: pochta, telegraf-telefon, radio, televizion 
aloqasi va matbuot tarqatish sohalarini o`z ichiga oladi. Pochta aloqasiga 1992 yil 
tashkil etilgan «O`zbekiston pochtasi» konserni rahbarlik qilib, tarkibida: 12 ta 

---

515 
viloyat, Qoraqalpog’iston davlat pochta korxonalari boshqarmalari, Toshkent 
xalqaro pochtamti, 198 ta aloqa uzeli va 3045 ta aloqa bo`limlari faoliyat 
ko`rsatmoqda. O`zbekistonda 1,5 mln.dan ortiq abonent telefon tarmog’i 
xizmatidan foydalanmoqda.
O`zbekistonda 
AQSHning 
«Motorolla», 
Germaniyaning 
«Simens», 
«Alkatel, Janubiy Koreyaning «DEU telekom» YAponiyaning «Mitsun» firmalari 
bilan hamkorlikda telekommunikasiya tarmoqlarini qayta ta’mirlamoqda. 
Toshkentda 1992 yil YAponiyaning «NEK» firmasi bilan hamkorlikda 150 kanalli 
raqamli xalqaro kosmik (fazoviy) telefon stansiyasi qurildi. Aloqa sohasida 
«Uzdunrobita», «Koskom», «Uzmakom», «Rubikom», «Buztel» «DEU», «Sentral-
Peyshing» korxonalari faoliyat ko`rsatmoqda.
O`zbekiston orqali o`tuvchi Xitoy (Shanxay) va Germaniya (Frankfurt)ni 
bog’lovchi shisha kabelli Trans-Osiyo-Evropa magistralining 926 km. qismi 1997 
yil qurildi. Turkiyaning «Netash», «Teletash», «Samko» firmalari Toshkentda 30 
kanalli xalqaro kosmik telefon stansiyasini qurdi, natijada xalqaro telefon 
so`zlashuvlarining 80 % ini sun’iy yo`ldoshlar orqali chet ellarga uzatish va qabul 
qilish imkoniyati yaratildi.
Bo`zsuv kanali sohilida qurilgan O`rta Osiyoda yagona 375 m. Toshkent 
teleminorasi dunyoda Moskvadagi Ostankino, Kanadadagi Toronta, Yaponiyadagi 
Tokio teleminoralaridan keyin 4-o`rinda turadi. O`zbekistonda yana 30 ta mahalliy 
va tijorat studiyalari ham faoliyat ko`rsatadi. 
O`zbekiston televideniesi orqali Rossiya, Turkiya, AQSH, Hindiston, 
Qozog’iston teledasturlari ham olib ko`rsatilmoqda. Bu borada 1994 yil 
O`zbekiston-AQSH qo`shma korxonasi «Kamalak TV-Peyjing» kabel televidenie 
tarmoqlarining tashkil etilishi katta ahamiyatga ega bo`ldi. Matbuot tarqatish 
sohasida «Soyuzpechat» boshqarmasi o`rnida 1994 yildan «Matbuot tarqatish 
uyushmasi» ochiq turdagi aksiyadorlik jamiyati faoliyat ko`rsatmoqda