Samarqand davlat universiteti a. B. Pardayev, S. A. Qurbonov

26-misol. 
 
Ovunch, tinchlik, xurramlik, ahillik, ahmoqlik, yupanch, yaxshilik, qoʻrqinch, 
yomonlik, o‗kinch, temirchilik, serobgarchilik. 
OTLARNING TUZILISHIGA KOʻRA TURLARI 
Otlar tuzilishiga koʻra toʻrtta turga boʻlinadi: 
1) Sodda otlar; 2) Qoʻshma otlar; 3) Juft otlar; 4) Takroriy otlar. 
SODDA OTLAR 
Faqat bir asosdan tarkib topgan otlar sodda ot hisoblanadi. Masalan: uy, yer, 
tosh, tuz, daraxt. 
 
27-misol.
 
Ota, ona, vaqt, oʻyin, daftar, uy, sinfdosh, zargar, supurgi, qiliq, dehqonchilik. 
Sodda otlar ham oʻz navbatida ikki turga boʻlinadi: 
1) Sodda tub otlar.
Tarkibida soʻz yasovchi qoʻshimcha boʻlmagan, boshqa soʻzlardan yasalmagan 
otlardir. Masalan, bogʻ, uy, kitob, gullar, darsni. 

---

131 
Sodda tub otlarning tarkibida faqat soʻz yasovchi qoʻshimcha boʻlmasligi 
lozim, lugʻaviy va sintaktik shakl yasovchi qoʻshimchalar boʻlishi mumkin. 
2) Sodda yasama otlar.
Tarkibida soʻz yasovchi qoʻshimchasi boʻlgan, affiksatsiya usuli bilan boshqa 
soʻzlardan yasalgan otlardir. Masalan, ishchi, gulzor, kitobxon, terim, paxtakor. 
QOʻSHMA OTLAR 
Ikki va undan ortiq asosdan tarkib topgan otlar qo„shma ot sanaladi. Masalan: 
qo„lqop, oltingugurt, beshiktervatar. 
28-misol. 
Qo‗ziqorin, achchiqtosh, uchburchak, belkurak, belbog‗, tustovuq, 
to‗rtburchak, dunyoqarash. 
Qoʻshma otlar yozilishiga koʻra ikki turga boʻlinadi: 
1) Qoʻshib yoziladigan qoʻshma otlar. 
a) Ikki va undan ortiq asosdan tarkib topgan turdosh otlar har doim qo‗shib 
yoziladi: qorbo‗ron, qizilishton, ko‗ksulton, kungaboqar, o‗rinbosar. 
b) Ikkinchi qismi turdosh otdan iborat bo‗lgan atoqli otlar qo‗shib yoziladi: 
Beshariq, Qorqiz, Qashqadaryo.