0‘zbek milliy qandolat mahsulotlari. Sharq shirinliklari ko‘pchiligi MDH ning barcha mintaqalarida, xususan, 0‘rta Osiyo va Kavkazorti respublikalarida, ayrimlari azaldan O‘zbekistonda ishlab chiqariladi. Shuning uchun ularni o'zbek xalqining milliy qandolat mahsulotlari deb atash mumkin.
O'zbek milliy karamelsimon mahsulotlariga novvot, parvarda, qandolat, «Obakidandon», «Burama qalamcha», «Rang-barang» «Akkoli», «Hiloli» va boshqalar kiradi.
Konfetsimon milliy qandolat mahsulotlari ko‘pincha holva deb nomlanadi. Sharq xalqlari orasida «Holva» so‘zi keng tarqalgan. Aslida bu so‘z «shirinlik» ma’nosini bildiradi. Haqiqatan ham «holva» deb atalgan mahsulotda turli guruh qandolat mahsulotlariga xos bo‘lgan xususiyatlarni kuzatish mumkin. Masalan «Lavz», «Sobuni» va «Donagi» holvalari mayda kristalli tuzilishi bilan pomadaga o‘xshaydi, «Buxorcha teri», «Buxoro» va «Buxorcha pashmak» holvalari un-yog‘ aralashmasi, yeryong‘oqli massa bilan qoplangan karamel massasining ingichka tolalaridan iborat, «Bodomi», «Mayizli, «Obinovvabot», «Rusta», «Teri», kuvlangan massalardan tayyorlanadi. Milliy holvaga «Lavz», «Sobuni», «Bodomi», «Danakli», «Mayizli», «Kunjutli», «Rusta», «Teri», «Buxorcha teri», «Buxorcha pashmak», «Buxoro», «Obinovvot», «Unli obinovvot» holvalarini kiritish mumkin. Sharq shirinliklari va o'zbek milliy qandolat mahsulotlarini ishlab chiqarish texnologiyasi maxsus adabiyotlarda yoritilgan.
125
7-§. UNLI QANDOLAT MAHSULOTLARI TEXNOLOGIYASI
Unli qandolat mahsulotlari un bilan birgalikda ancha miqdorda shakar, yog‘, tuxum va boshqa shirmoy mahsulotlari qo'shib tayyorlangan qandolat mahsulotlarining katta guruhini tashkil etadi. Ular yuqori oziqaviy qiymatga, yoqimli ta’mga va chiroyli tashqi ko‘rinishga ega. Bularga pecheniy, galet, krekerlar, praniklar, kekslar, ruletlar, vafli, tortlar va pirojniylar kiradi. Pecheniy, galet va krekerlar kabi ko‘pgina unli qandolat mahsulotlari yuqori kaloriyali konsentratlar hisoblanadi.
Do'stlaringiz bilan baham: |
