Sinf majlislarining bayonnomalari

Sariosiyo tumani 24-sonli umumta`lim maktabi 4-“B” sinfida
bo`lib o`tgan 3 - Sonli yig`ilish
BAYONNOMASI
3. 11. 2021-yil 24-maktab binosi
Yig`ilish raisi Narzulloyeva I
Kotib Sultonova S
Qatnashdilar: 4-“B” sinf o`quvchilari
Kun tartibi
1. I chorak yakuni va II chorak vazifalari
2.Ota –onani hurmat qilish haqida.
3. Sport sog`lik garovi
Eshitildi
Kun tartibidagi masala yuzasidan sinf rahbari Narzulloyeva so`zga chiqdi, u o`z nutqida I chorak yakuni haqida quyidagilarni gapirdi. Chorak boshida sinfda
19 nafar o`quvchi bo`lib, shundan 6 nafarini qiz bolalar 13 nafarini o`g`il bolalar tashkil etdi. Chorak oxirida o`quvchilar soni 21nafar bo`lib , shundan 7 nafari qiz bolani tashkil etdi. O`quvchilar chorak davomida 4-sinf materiallarini puxta o`rganib bordilar. Sinf davomati 99,4 % ni tashkil etdi. Sinfda sifat o`zlashtirish 85,7 % ni, umumiy o`zlashtirish 100% ni ko`rsatdi. Sinfda13 nafar o`quvchi fanlarni a`lo baholarga o`zlashtirdilar. Bu o`quvchilar N. Xurramov, H. Salohiddinov, Sultonova Sabrina, Sh. Abdurahmonov , J. Abdurahmonov , F. Bo`riqulov , A Jabborov, Ismatova Gulsevar, Nusratullayeva Sokina , Mirzoqulov Bahriddin, Sa`dullayeva Ruhayda va Charos Ubaydulloyevalardir. Sinfning qolgan o`quvchilari ham puxta o`zlashtirishga harakat qilmoqdalar. Sinfda o`zlashtirishga qiynalayotgan o`quvchilar ham bor. Bu o`quvchilar M. Ashurov, S. Qodirovalardir. O`ylaymanki, bu o`quvchimiz bu chorakda o`rtoqlarini yetib oladi. Bu ko`rsatkichlarga qarab biz I chorak yakunini namunali deb ko`rsatsak bo`ladi. O`quvchilar shu zaylda o`qishda davom etsalar, II chopakda ham yaxshi natijalarga erishadilar. A`lo baholarga o`qigan o`quvchilarga rahmatnoma e`lon qilaman . Bu chorakda ham o`qishlarini ana shunday davom ettirishlarini kutib qolaman . Boshqa o`quvchilar ham o`qishlarida tub burilish yasab yana ham faolroq bo`ladilar degan umiddaman.
Shuningdek II chorak vazifalari ham belgilab olindi: 1) Darslarga kech kelmaslik; 2) Berilgan topshiriqlarlarni o`z vaqtida bajarish; 3) Sababsiz dars qoldirmaslik;
4) Dars jadvali asosida darsliklarni olib kelish lozimligi aytildi.
Bundan tashqari I chorak yakunidan so`ng o`quvchilarga ta`til berilganini, ta`til vaqtida o`quvchilar ota-onalarining ruxsatisiz, yolg`iz ko`cha-kuyda yurmasliklari ham aytib o`tildi.
Yig`ilish kun tartibidagi masala yuzasidan qaror qiladi:
1. I chorak yakuni o`zlashtirish va davomatni hisobga olgan holda namunali deb
topilsin.
2. II chorakda yuqorida ko`rsatilgan vazifalarni bajarish sinf o`quvchilari
zimmasiga yuklatilsin.
Kun tartibidagi ikkinchi masala yuzasidan sinf rahbari so`zga chiqib, “Ota-onani hurmat qilish ” mavzusida ma`ruzasini o`qib eshittirdi. Sinf rahbari o`quvchilarga ota-onalar haqida so`z yuritar ekan , ota-bu quyosh, ona esa oydir. Ular bizning baxtimiz debochasi, ular bor ekan oila tinch va farovon. Shunday ekan, farzandlar ota-onalaringizni hurmat qilish lozimligini, ular chaqirganda labbay deb javob berishi, hamma vaqt ota-onalarining ishonchli ko`makchisi bo`lishlari, biror bir yumush buyurganda xo`p bo`ladi deb javob berishi, doimo ota-onaning gaplariga amal qilishi lozimligi haqida to`xtalib o`tdi.
“Otang suyangan tog`ing, Onang sen o`sgan bog`ing” deb o`z fikriga yakun yasadi.
Kun tartibidagi masala yuzasidan yig`ilish qaror qiladi:
1. Sinf rahbarining “Ota-onani hurmat qilish” mavzusida ma`ruzasi axborot uchun qabul qilinsin.
2. Sinf o`quvchilari hamma vaqt ota-onalarining ishonchli ko`makchisi bo`lishlari lozimli uqtirilsin .
Kun tartibidagi masala yuzasidan sinf rahbari Narzulloyeva so`zga chiqdi, uo`quvchilarga “Sport sog`lik garovi’ mavzusida ma`ruzasini o`qib berdi. “Buyuk hakim Ibn Sinoning uqtirishicha, insonning qancha umr ko`rishi uning o`ziga bog`liq. Sog`lom bo`lish uchun inson kundalik hayotda qator qoidalarga amal qilmog`i kerak. Ertalabki badantarbiya, sayr qilish, to`g`ri ovqatlanish, sport bilan shug`ullanish, ozodalikka rioya qilish sog`lom bo`lishning asosiy shartlaridir. Odamning tanasi sog`lom bo`lsa, ruhi ham tetik bo`ladi. O`qishi a`lo, ishida unum bo`ladi. Sog`lom kishi baquvvat, g`yratli va mehnatsevar bo`ladi. Buning uchun ertalabki badantarbiya mashqlarini muntazam bajarib borishlari lozim bo`ladi. Sport bilan shug`ullanish kishini komillikka yetaklaydi. Bunday inson odamlarga, jamiyatga juda ko`p naf keltiradi. “Tan sihatlik tuman boylik” deb bejizga aytishmagan. “ deb o`z so`zini yakunladi.
Kun tartibidagi masala yuzasidan yig`ilish qaror qiladi:
1. Sinf o`quvchilariga “Sport sog`lik garovi “ mavzusidagi ma`ruzasi axborot uchun qabul qilinsin.
2. Sinf o`quvchilarini har doim sport bilan shug`ullanib borishlari lozimligi uqtirib o`tilsin.
3.O`quvchilarni sport bilan shug`ullanishlarini nazorat qilish, sport to`garaklariga jalb qilish jismoniy tarbiya fani o`qituvchisi zimmasiga yuklatilsin.

Yig`ilish raisi _______________ Narzulloyeva I

Kotib _______________ Sultonova G