Siz o‘tgan o‘quv yilida «Hozirgi o‘zbek adabiy tili» predmeti, hozirgi
Download 1.48 Mb. Pdf ko'rish
|
hozirgi o\'zbek adabiy tili 2
305-mashq. Ko‘chiring. Fe’llarni ajratib, maylini hamda zamonini
aniqlang. — Saroy ahli uch toifaga bo‘linadi, — dedi O‘gdilmish. — Birinchisi — sendan ulug‘lar, ularni ulug‘lab, so‘zlarini qadrla. — Donolar bek haqida juda yaxshi deyishgan: Kichikka ulug‘lik ulug‘dan bo‘lar, Ulug‘ga egilsa, kichik qut olar. Ulug‘lar so‘zin tut, yumush qil, yugur, Ulug‘ so‘zin tutsang, tilak tez kelur. Bulardan bo‘lagi sening tengdoshlaring. Ularni o‘zingdan uzoqlashtirsang yov, yaqinlashtirsang qadrdon do‘st bo‘lishadi. Oxirgisi — sendan kichiklar. Barcha achchiq-chuchuk ular bilan bo‘ladi. Ular ishini o‘rinlatsa, taqdirlash, gunoh qilsa, tartibga chaqirish lozim. Yoshlarni bekor, behuda qo‘ymaslik, ishlarini so‘rab-surishtirib turish shart. Ularni mensimay qo‘yish xayolingga kelmasin. Ularga aytiladigan so‘zlaringni tiyib tur. Qo‘ldoshlaring qaysi yo‘lni tutsa, sen ham o‘shanday qilgan, toki ular bundan sevinch topishsin. O‘zingga tenglarni yaqin tut. Тengdosh tengdosh uchun — ko‘rk. Yomon fe’l-atvor egalarini zinhor yaqin tutmagin. Do‘stlik, yaqinlik 2 xil bo‘ladi: biri ezgu niyatlar tufayli yuzaga kelsa, boshqa bir do‘stlik shaxsiy manfaatlarni deb bo‘ladi. O‘z nafini o‘ylab qilingan do‘stlikka juda tez soya tushadi. Do‘st kishining shunday hikmatli gapi mavjud: — Do‘stni foyda-zarar ichida sinash kerak. Sen do‘st bo‘lish uchun oyoq qo‘ysang, o‘zingni mahkam tut. Do‘stning haqiqiy dilini bilmoqchi bo‘lsang, sinash uchun unga tilingda g‘azab qilib yoki yuzingni tutib, ya’ni qovog‘ingni solib ko‘r. Do‘stning senga qanchalik muhabbati borligini bilmoqchi bo‘lsang, uning eng yaxshi ko‘rgan narsasini so‘ra, shunda hamma narsa ayon bo‘ladi. Shu ikkalasidan keyin ham u qovog‘ini solmasa, bunday do‘stni boshga ko‘tarish, shirin jon bilan barobar tutish kerak. (Yusuf Xos Hojib) 306-mashq. Ikki guruhga bo‘lining. Berilgan fe’llarga qaysi guruh ko‘p sinonimlar topa oladi. Тopshiriq: keldi... va tura... fe’llari oxiridagi nuqtalar o‘rniga uchta shaxs va birlik-ko‘plikka mansub qo‘shimchalarni qo‘ying. Ularning ma’nolarini ayting. Ichmoq, otmoq, so‘zlamoq, chopmoq, eshitmoq, qaramoq. Download 1.48 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling