Siz o‘tgan o‘quv yilida «Hozirgi o‘zbek adabiy tili» predmeti, hozirgi
Download 1.48 Mb. Pdf ko'rish
|
hozirgi o\'zbek adabiy tili 2
- Bu sahifa navigatsiya:
- 295-mashq
Savol va topshiriqlar
1. Fe’l deb qanday so‘z turkumiga aytiladi? 2. Fe’llarning qanday ma’no turlarini bilasiz? 3. Bir ma’no guruhiga mansub fe’llar qanday belgilariga ko‘ra farqlanadi? 294-mashq. Тopishmoqlarni o‘qing. Fe’llarni harakat bildiruvchi va holat bildiruvchi fe’llarga ajratib yozing. Dam oladi kunduzi, xonadonning yulduzi. Kechasi ochilur, osmonga sochilur. Osmonda u yaraqlab, kulib turar charaqlab. Oyna emas jimirlar, tek turmasdan qimirlar. Kundalik tarix o‘zi, har yerda uning so‘zi. Katta oppoq dasturxon, yer yuzini qoplagan. Тunda ko‘rib cho‘g‘ deysan, Тongda ko‘rib yo‘q deysan. Тanga-tanga to‘ni bor, mitti ko‘zi unga yor. Yursa suvlar jimirlar, Qamishlar ham qimirlar. Qulochida qo‘sh-qo‘sh halqa, Xizmat qilar charchamay xalqqa. Kulib turar misoli oftob, Hamrohidir chang, tor va rubob. 295-mashq. Fe’llarni harakat-holat ifodalanishiga ko‘ra guruhga ajrating, har bir turiga o‘ntadan misol yozing. 296-mashq. O‘zbek tilida fe’llar leksik-grammatik xususiyatlariga ko‘ra ikki asosiy guruhga bo‘linadi: mustaqil fe’llar, yordamchi fe’llar. Siz ham quyidagi matn ichidan mustaqil fe’l va yordamchi fe’llarni ajratib yozing, shaxs-son qo‘shimchalarini aniqlang. ZULFIYAXONIM Dunyo qadim-qadimdan sharq ayoli, turkiy ayollarni yaxshi tanigan. Тarixning barcha bosqichlarida ular dunyoga o‘zining borligini goh mardlik, jasorat bilan, goh tadbir-u oqilalik bilan, goh she’riyat bilan bildirib, tanitib, tan oldirib kelganlar. Ana shu zotlardan biri Zulfiyaxonim bo‘lib, u el muhabbatiga, ayollar ishonchiga tasodifiy bir holatda muyassar bo‘lgan emas. Opaning huzuriga olis qishloq-lardan yuzlari quyoshda qorayib ketgan, ajinlari bolalagan ayollar qo‘llarida go‘dagi bilan madad so‘rab kelardi. Ustoz ularning boshini silar edi, yupatar edi. «Sakson yil lovullab so‘nmagan o‘tman», deydi Zulfiyaxonim she’rlarining birida. Men dengizning labida turdim, Dengiz to‘lib chayqaldi yurak. Xalqning og‘riqlariga, quvonchlariga joni bilan tutashmagan shoira bunday yoza olmaydi. Biz shoiraning ovozlarini, chiroyli qarashlarini, issiq qo‘llarini sog‘ingan edik. Ular xonaga kirganda bir qalqib tushib, o‘zimizni o‘nglab olar edik. Balki, Prezidentimiz Farmoni bilan adabiyotimizga kirib kelayotgan yangi Zulfiya qizlarining kuchli ovozlari bu sog‘inchimizni bosar. Balki, ustozni ko‘rgan ko‘zlarimiz bilan bir-birlarimizga termulib, bu sog‘inchga malham toparmiz. Nima bo‘lganda ham biz «Bu bog‘lar bir bog‘lar bo‘ladi hali» degan taskin bilan yashaymiz. (Q. Rahimboyeva) Download 1.48 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling