ҲОКИМ ЁРДАМЧИЛАРИГА ТЕЗИСЛАР
(2-ҳафта учун)
1-мавзу
|
Пенсия ва нафақа миқдори энг кам истеъмол харажатларидан оз бўлиши мумкин эмаслиги белгиланмоқда
|
Конституцияга киритилаётган ўзгариш
|
46-модда.
...
(иккинчи қисм)
Қонунда белгиланган пенсиялар, нафақалар ва бошқа турдаги ижтимоий ёрдамнинг миқдорлари расман белгиланган энг кам истеъмол харажатларидан оз бўлиши мумкин эмас.
|
Тезислар
|
Беш-олти йил илгари давлат томонидан тайинланган пенсия миқдори инсоннинг базавий эҳтиёжларига етарли эмаслиги кўпчилик аҳолимизнинг ўринли норозичилигига сабаб бўлиб келган. Сўнгги йилларда пенсия таъминотида туб ислоҳотлар амалга оширилди: тайинлашда уларни миқдорини ҳисоблаш усуллари пенсия олувчиларнинг фойдасига қайта кўриб чиқилди, пенсиялар миқдори мунтазам оширилиб, ўз вақтида тўлаб берилмоқда.
Янги таҳрирдаги Конституциямизда эса пенсиянинг “энг кам истеъмол харажатларидан оз бўлиши мумкин эмас”лиги мустаҳкамлаб қўйилмоқда.
Энг кам истеъмол харажати деганда, инсоннинг асосий эҳтиёжларини қондириш учун бир ой давомида зарур бўладиган товар ва хизматларни сотиб олишга етадиган маблағ миқдори тушунилади.
Сўнгги беш йилда давлатимиз ижтимоий таъминот масаласига катта маблағ ажратмоқда. Мисол учун, 2017 йилда кам таъминланган 500 минг оила ижтимоий ёрдам олган бўлса, бугунга келиб 2 миллиондан ортиқ оилаларга кўмак берилмоқда. Ажратилаётган маблағлар эса, 7 баробар кўпайтирилиб, йилига 11 триллион сўмга етди.
Янги таҳрирдаги Конституциямизга киритилаётган ўзгартиш, – фуқароларнинг турмуш даражасини яхшилаш, харид қобилиятини сақлаб қолиш, соғлиғини, меҳнат қилиш салоҳиятини сақлаган ҳолда жамиятнинг ҳеч бир аъзосини эътибордан четда қолмаслигини таъминлайди.
Агар пенсионер, нафақахўр юртдошларимизни “бировдан кам бўлмай” яшашини истасак янги таҳрирдаги Конституцияни ёқлаб овоз беришимиз керак.
|
Do'stlaringiz bilan baham: |
