Toshkent davlat pedagogika universiteti toshxonov azizbek tursunboyevich

Tadqiqotning vazifalari:
bo‘lajak boshlang‘ich sinf o‘qituvchisining kasbiy tayyorgarligini integrativ 
yondashuv asosida takomillashtirish imkoniyatlarini aniqlash; 
bo‘lajak boshlang‘ich sinf o‘qituvchilari kasbiy tayyorgarligining invariant 
modelini takomillashtirish; 
bo‘lajak 
boshlang‘ich 
sinf 
o‘qituvchisining mantiqiy madaniyatini 
shakllantirish mexanizmlarini takomillashtirish; 
bo‘lajak boshlang‘ich sinf o‘qituvchilari kasbiy tayyorgarligi o‘quv-metodik 
ta’minotini takomillashtirish. 
Tadqiqotning obyekti sifatida bo‘lajak boshlang‘ich sinf o‘qituvchilarining 
kasbiy tayyorgarligini integrativ yondashuv asosida takomillashtirish jarayoni 
tanlangan bo‘lib, pedagogik tajriba-sinov Nizomiy nomidagi Toshkent davlat 

---

7 
pedagogika universiteti, Namangan davlat universiteti, Jizzax davlat pedagogika 
institutidan 496 respondent ishtirok etdi.
Tadqiqotning predmetini bo‘lajak boshlang‘ich sinf o‘qituvchilarining kasbiy 
tayyorgarligini integrativ yondashuv asosida takomillashtirish mazmuni, shakl, metod 
va vositalari tashkil etadi. 
Tadqiqotning usullari. Tadqiqotda pedagogik-psixologik adabiyotlar, oliy 
ta’limning me’yoriy-huquqiy hujjatlari, boshlang‘ich sinf o‘qituvchisini tayyorlash 
o‘quv rejalari, dasturlari tahlili, muammo bo‘yicha pedagogik tajribani 
umumlashtirish; o‘qitish mazmuni va shakllarini pedagogik loyihalash; empirik 
metodlar (pedagogik faoliyatni kuzatish, anketa, suhbat, test, ekspert baholash, 
so‘rovnoma); 
pedagogik 
tajriba-sinov; 
matematik-statistik 
metodlardan 
foydalanilgan.  
Tadqiqotning ilmiy yangiligi quyidagilardan iborat: 
bo‘lajak boshlang‘ich sinf o‘qituvchilarining kasbiy tayyorgarligi ijodiy 
tafakkurning motivatsion, kognitiv va faoliyat komponentlarini didaktik mazmunning 
funksional-amaliy o‘quv faoliyati turlariga rivojlantiruvchi ta’limiy maqsadlarni 
prakseologik moslashtirish asosida rivojlantirilgan; 
bo‘lajak boshlang‘ich sinf o‘qituvchilari kasbiy tayyorgarligi samaradorligi 
ta’lim mazmuni va o‘qitish jarayonining mantiqiy tuzilmasini aniqlashning invariativ 
modeli hamda o‘qitish jarayoni uzluksizligi va uzviyligini ta’minlashga qaratilgan 
shakllar va mazmunini rivojlantiruvchi ta’lim maqsadlariga muvofiq belgilash 
asosida takomillashtirilgan; 
bo‘lajak boshlang‘ich sinf o‘qituvchilari kasbiy tayyorgarligi integrativ 
yondashuvning didaktik imkoniyatlari hamda regulyativ-kognitiv xususiyatlarning 
o‘quv-bilish jarayoni takrorlanuvchi komponentlariga ustuvorlik berish hamda 
dinamik va vektorli yo‘naltirish asosida rivojlantirilgan; 
bo‘lajak boshlang‘ich sinf o‘qituvchilari kasbiy tayyorgarligini baholash 
mezonlari ta’limni tashkil etishning uzluksizlik tamoyili, integratsiyaning didaktik 
imkoniyatlaridan foydalanish hamda fundamental bilimlarning rivojlantiruvchi 
maqsadlarini milliy qadriyatlar mazmuniga mos tanqidiy sintezlash asosida 
takomillashtirilgan.