Toshkent davlat yuridik universiteti

 
Tavsiya etiladigan adabiyotlar: 
 
1. 
O`zbekiston Respublikasining Fuqarolik kodeksi (213-233-mm.). –T.: 
Adolat, 2011.
2. 
Fuqarolik huquqi ikkinchi qism. H.Raxmonkulov va boshqalar. Adolat 
nashriyoti, 1999 yil B. 220-310. 
3. 
Mualliflar jamoasi. O`zbekiston Respublikasi Fuqarolik kodeksiga 
sharh. 2-jild. –T.: Vektor-press, 2010. –B. 459-574. 
4. 
Ro`zinazarov Sh. Erkinlik samara zamini yoki qishloq xo`jalik kapital 
kurilishiga oid pudrat shartnomasi haqida. (2 maqola) // Iqtisod va xisobot.- T., 
1996.- № 12. 
5. 
Ro`zinazarov Sh. Loyiha va kidiruv ishlari pudrat shartnomasi 
tushunchasi va mazmuni // Mustakil O`zbekiston huquq fanlarining dolzarb 
muammolari mavzusidagi Respublika IV–ilmiy-nazariy konferensiyasining 
ma’ruzalar to`plami. - T., 1997. 
6. 
Ro`zinazarov Sh. Davlat ehtiyojlari uchun qurilish pudrati 
shartnomasining xususiyatlari(2-maqola) //Xo`jalik va huquq.- T., 2004. -№4. 
 

---

217 
38-bob Haq evaziga xizmat ko`rsatish 
 
Haq evaziga xizmat ko`rsatish FKda ifoda etilgan yangi huquqiy 
normalardan bo`lib hisoblanadi. Fuqarolik muomalasida haq evaziga xizmat 
ko`rsatish shartnomaning qo`llash doirasi tobora kengayib bormoqda. Fuqarolik 
kodeksida haq evaziga xizmat ko`rsatish shartnomalarning tushunchasi, predmeti, 
uning ayrim turlari, shakli, uni bajarish, xizmatlarga haq to`lashga oid qoidalar 
mustahkamlab ko`yildi. Qolaversa haq evaziga xizmat ko`rsatish shartnomasi 
bo`yicha taraflar va ularning huquq va manfaatlari uning huquqiy tabiatini yoritib 
berishda muhim ahamiyat kasb etadi. Shuningdek, haq evaziga xizmat ko`rsatish 
shartnomasini buzganlik uchun ijrochining javobgarligi ham mustahkamlab 
qo`yilganligi uning shartnoma bo`yicha o`z zimmasiga olgan majburiyatini oqilona 
va lozim darajada bajarishning omili bo`lib hisoblanadi. Bundan tashqari, haq 
evaziga xizmat ko`rsatish shartnomasini bekor qilishga oid normalar ham o`zining 
ifodasini topdi. Ushbu o`rinda shuni ham qayd etish lozimki, pudrat to`g’risidagi 
qoidalar Fuqarolik kodeksining 38 bobi qoidalariga zid bo`lmasa haq evaziga 
xizmat ko`rsatish shartnomasiga nisbatan qo`llaniladi. Haq evaziga xizmat 
ko`rsatishga oid normalar fuqarolik muomalasida bunday xizmat ko`rsatishning 
samaradorligini oshirishning muhim omili bo`lib hisoblanadi.