Toshkent davlat yuridik universiteti

Taraflar. Ushbu shartnomada bir tomonda xizmat ko`rsatuvchi ijrochi, 
ikkinchi tomonda esa ana shu xizmatdan foydalanuvchi buyurtmachi ishtirok etadi. 
Buyurtmachi bo`lib fuqarolar, shuningdek, yuridik shaxslar, ijrochi bo`lib esa, haq 
evaziga xizmat ko`rsatish huquqiga ega bo`lgan va xizmat ko`rsatish uchun 
belgilangan tartibda ruxsat olgan fuqaro yoki tashkilotlar qatnashadilar. 
Shuningdek, tadbirkorlik faoliyati bilan shug’ullanish uchun ruxsatnoma olgan 
fuqarolar ham haq evaziga xizmat ko`rsata oladilar. Haq evaziga xizmat 
ko`rsatuvchi korxonalar davlat ro`yxatidan o`tkazilgan paytdan boshlab, yuridik 
shaxs hisoblanadi va xizmat ko`rsatish faoliyatiga ega bo`ladi. 
Xizmat turlarini huquqiy tartibga solishga oid bir qator qonun hujjatlari bilan 
tartibga solinadi. Xususan, Fuqarolik kodeksining 708-moddasida pudrat 
to`g’risidagi umumiy qoidalar va maishiy pudrat to`g’risidagi qoidalar ushbu bob 
qoidalariga zid bo`lmasa, haq evaziga xizmat ko`rsatish shartnomasiga nisbatan 
qo`llanilishi nazarda tutilgan. 
Haq evaziga xizmat ko`rsatish shartnomasida taraflar sifatida buyurtmachi 
va ijrochi ishtirok etadi. Buyurtmachi – tegishli xizmat ko`rsatilishidan manfaatdor 
bo`lgan va bu xizmatni o`ziga yoki u ko`rsatgan boshqa shaxsga ko`rsatilishi 
uchun buyurtma beruvchi shaxs. Masalan bunday subyekt bo`lib, tibbiy xizmiatga 
muxtoj bo`lgan har qanday fuqarolar buyurtmachi bo`lishi mumkin. Mazkur 
shartnomada buyurtmachi sifatida xizmat turiga qarab fuqarolar, yuridik shaxslar, 
davlat organlari qatnashishlari mumkin. Ijrochi – buyurtmachi bilan kelishgan 
holda o`z zimmasiga olgan xizmatni haq evaziga amalga oshiruvchi, tegishli 
malaka, mutaxassislikka va vakolatga ega bo`lgan shaxs. Masalan, sayyohlik 
firmalari ijrochi sifatida sayyohlik xizmatini ko`rsatuvchi subyektlar bo`lib 
hisoblanishi mumkin. Masalan, sayyohlik firmalari ijrochi sifatida sayyohlik 
xizmatini ko`rsatuvchi subyektlar bo`lib hisoblanishi mumkin. Haq evaziga xizmat 
ko`rsatish shartnomasida ijrochi bo`lib, tegishli xizmatni amalga oshiruvchi 
fuqarolari, yuridik shaxslar, davlat muassasalari qatnashishlari mumkin.