2020 йил 29 февраль куни Мактабгача таълим факультети ўқув ишлари бўйича декан ўринбосари Ҳасанов Шаробидин Аъзамович Наманган давлат университетида 13.00.02-таълим тарбия назарияси методикаси ихтисослиги бўйича “Адабий таълим жараёнида талабаларда аналитик тафаккурни ривожлантириш технологиясини такомиллаштириш (олий филологик таълим мисолида)” мавзуси бўйича фалсафа фанлари доктори илмий даражасини олди.
II. ШАХСНИНГ МАЪНАВИЙ КАМОЛОТИНИ ЮКСАЛТИРИШ
2020 йил 3 январь куни Мактабгача таълим методикаси кафедраси 1-босқич талабалари билан “Китоб маънавият кўзгуси” мавзусида давра суҳбати бўлиб ўтди. Давра суҳбатида факультет декани З.Азимова сўзга чиқиб, Ўзбекистон Республикаси Президентининг 2017 йил 13 сентябрь куни қабул қилинган ПҚ-3271 сонли “Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида”ги қарори ижроси юзасидан, шунингдек, Андижон давлат университети мактабгача таълим факультетининг 2020 йилда ёшларга оид давлат сиёсатини амалга ошириш бўйича чора-тадбирлар дастурида белгиланган вазифаларни босқичма-босқич амалга ошириш мақсадида, факультет ёшларни китоб ўқишга бўлган қизиқишини янада ошириш, уларда ахборот коммуникация технологияларидан самарали фойдаланиш маданиятини юксалтириш бўйича талабалар орасида анча ишлар қилинаётганлигини айтиб ўтди. Давра суҳбатида факультетнинг ўқув ишлари бўйича декан ўринбосари Ш.Ҳасанов, ёшлар билан ишлаш бўйича декан ўринбосари Б.Абдукадиров, мактабгача таълим методикаси кафедраси профессор-ўқитувчилари доценти Ф.Кийикбоев ва ўқитувчи Н.Мамадалиевалар иштирок этдилар.
2020 йил 12 январь куни Мактабгача таълим методикаси кафедраси барча гуруҳ мураббийлари ахборот соатини “Ёшариш ва янгиланиш куни бу...” мавзусина ўз гуруҳларида юқори савияда ўтказдилар. Унда ҳар бир гуруҳ раҳбарлари ўз гуруҳи талабаларига мамлакатимизда юз бераётган янгиланиш ва ривожланишлар ҳақида суҳбат олиб бордилар.
Do'stlaringiz bilan baham: |
