Бахтиёр Ҳасанов омонликда кўришайлик

СЕВГИ НОГОҲ ЧЕРТАР ҚАЛБИНГ
ЭШИГИН. 
У сархуш туйғудир бе жилов бе бош, 
Қалбингда тебратар орзу бешигин. 
Турфа ранг туйғулар кўтаради бош, 
Севги ногоҳ чертар қалбинг эшигин. 
Кўз очиб кўрмайсан басирларимиз, 
Йўлиқиб қоласан билмай нелигин, 
Бир умр шу туйғу асирларимиз, 
Севги ногоҳ чертар қалбинг эшигин. 
Кимнидир кўнглини баҳордай йўқлар, 
Хавасла термулар ороми йўғлар, 
Қалбига отилар оловли чўғлар, 
Севги ногоҳ чертар қалбинг эшигин. 
Дилдан ором олар кўздан уйқуни, 
Муҳаббат боғбони гўзал туйғуни, 
Ҳижрони етаклаб келар қайғуни, 
Севги ногоҳ чертар қалбинг эшигин. 
Гоҳида тоқатинг синайди бардош, 
Совиблар ётади олдингдаги ош, 
Кириб келаверар танламайди ёш, 

---

52 
Севги ногоҳ чертар қалбинг эшигин. 
Дилга ташлаб гўё олов парчасин, 
Бахтли этолмайди кириб барчасин. 
Ҳаммага очолмас бахтнинг дарчасин, 
Севги ногоҳ чертар қалбинг эшигин. 
Меҳмонинг бўлади қанча урунма, 
Йўл топиб киради қалбинг кемтигин, 
Аёзнинг йўлида чечакдай унма. 
Севги ногоҳ чертар қалбинг эшигин. 
ҲАЁТ ҲИКМАТИ. 
Замон билан оқмайсан, 
Атрофингга боқмайсан, 
Ишламасдан еб ётсанг, 
Болангга ҳам ёқмайсан. 
Бекор юрсам маъзза деб, 
Учма кўнгил майлига, 
Меҳнатингга бергин зеб, 
Боқгин замон зайлига. 
Бўйинг қара нордирсан, 
Эгасан дил нолангга, 
Текин оғиз ҳордирсан, 
Юк бўлмагин болангга. 
Ибрат олгин ишлагандан, 
Ризқин халол тишлагандан, 
Бир кафт бўлсин унинг йўқ, 

---

53 
Не наф кўкрак муштлагандан. 
Ишлаганлар мисол ана, 
Дили тўла ғам эмас. 
Уйи жойи бор машина, 
Бирор бойдан кам эмас. 
Меҳнатсиз топиб текин, 
Боқма бойдек кўпириб, 
Рўзғорингни бир четин, 
Албат кетар ўпириб. 
Ҳалол ошин тотсин тил. 
Ҳаромлардан ҳазар қил. 
Ҳаром луқма заволга, 
Етаклайди шуни бил. 
Енгиб ўтгин ҳар ғовни, 
Ортдирмагин бошга ёвни, 
Бекор юрсанг ишсизман деб, 
Айблама бировни. 
Топда ўзинг қаловни, 
Ён атрофга югур чоп, 
Алдама ҳам бировни, 
Ҳалол ишла халол топ. 
Бекорчидан Худо безор, 
Деган элда гаплар бор. 
Бу ҳикматни қулоққа, 
Олсанг олам нафлар бор. 
Тотгин халол неъматин, 
Кўргин Аллоҳ химматин. 

---

54 
Қиссадан хисса шудир, 
Шеър топсин майли якун. 
ҲИЁНАТКОР ЭРГА
Тўрт шода шеър. 
Ёниб шеърлар ўқиб ёниб битиб байт, 
Ҳиёнат бағрида дилинг яйрайди. 
О.. сен билмайсан Аёлинг шу пайт, 
Қонингни ичмоққа тишин қайрайди. 
Сезади ҳаммасин кўзлари радар. 
Фақат ушоқ жонинг ҳозирча айяр. 
Аёл қас..қилмасин сенга биродар, 
Бағрида гўдакмас қасос улғаяр. 
Ҳиёнатинг билар ичига ютар, 
Оламга сиғмайин қалби додлайди. 
Ичига ютгани бомбадир жигар. 
Эхтиёт бўл бир куни ёмон портлайди. 
Тилда пок янграсин жаранглаб исминг, 
Ғафлатдан уйғонгин оёққа тур қалқ, 
Яратган қошида мўнғаяр жисминг, 
Адо бўлиб турма гуноҳларга ғарқ.