Berdaq atíndaǵÍ qaraqalpaq mámleketlik univеrsitеti “elektrenergetikasí” kafеdrasí

6.2 Yuridikalíq táreplerdiń metrologiyalíq xizmeti. Idoralíq metrologiyalíq xizmet úlgi dúzilisi, quramí, waziypalarí hám wákalatlarí hám olardíń DMХ menen ózara múnásibetlari.

Ózaldína yuridikalíq táreplerdiń metrologiyalíq idaralarí tarmaǵí hám olardíń ólshewler birligin hám ólshew qurílmalarí birtúrliligin támiynlewge baǵdarlanǵan iskerligi yuridikalíq shaxslar metrologiyalíq xizmeti dep ataladi. Bunday xizmetler derlik barlíq ministrlikler hám idaralarda dúzilgen. Bul respublikaníń bir ǵana metrologiyalíq xizmetiníń tiyisli ministrlik, idoraníń kárxana hám shólkemlerínde ólshewler birligi hám talap etilip atírǵan aníqlíǵín támiynlewge shaqírílǵan quramlíq bólimi. Olardíń iskerligi muwapíq standartlar hám idoralíq metrologiyalíq xizmetler haqqíndaǵí úlgili qaǵiydalar menen reglamentlengen.

Ministrlik yamasa idora tárepinen shólkemlestirilgen idoralíq metrologiyalíq xizmetge tómendegiler kiredi:

• 
  ministrlik yamasa idoraníń metrologiyalíq xizmetin basqaríw júkletilgen bas metrolog bólimi;
  
• 
  kárxana hám shólkemlerde islep shíǵaríwín metrologiyalíq támiynlew boyínsha jumíslardí shólkemlestiriw boyínsha bas metrologlar bólimi.
  

Ministrlik bas metrologí xizmeti tarmaq kárxanasí hám shólkeminiń metrologiyalíq támiynatí boyínsha pútkil iskerliginiń shólkemlik-metodikalíq basqaríwín ámelge asíradí. Olar qol astínda bolǵan kárxanalarda ólshewler xalatí hám metrologiyalíq támiynatíníń analizin shólkemlestiredi, tarmaq metrologiyalíq támiynatíníń komplеks dastúrlerini dúzedi, “Xalíq xojalíǵín metrologiyalíq támiynlew” bólimi boyínsha mámleket hám tarmaq standartlastíríwí rejelarin islep shíǵadí. Bas metrolog xizmetleri idoralíq metrologiyalíq tekseriwi, hújjetler metrologiyalíq ekspеrtizasín, ólshewlerdiń biriktirilgen tarawínda ólshew texnikasí dárejesin asíríwǵa, ministrlik, idora yamasa firma kárxanalarínda támiynlewge baǵdarlanǵan ilimiy-izertlew hám tájriybe-konstruktorlíq islerin shólkemlestiredi.
Metrologiya máseleleri boyínsha olar “Ózstandart” agentliginíń tiyisli xizmetleri menen múnásibet saqlaydí.
Bazí bir ministrlikler, idaralar yamasa firmalarda ilimiy-izertlew, joybar-konstruktorlíq yamasa texnologiyalíq shólkemler qatarínan “Ózstandart” agentligi menen kelisim boyínsha olar tárepinen aníqlanatuǵín metrologiyalíq xizmetiniń bas hám tayanísh shólkemleri dúziledi.
Metrologiyalíq xizmetiniń bas hám tayanísh shólkemleri tarmaq metrologiyalíq támiynati dastúrlerin islep shíǵíw hám olardí ámelge asíríwda aktiv qatnasadí.
Idoralíq metrologiyalíq xizmetler DMХ menen jaqín baylanísqa iye, bul jerde usí хizmetlerdiń respublika metrologiyalíq xizmeti quramíndaǵí waziypalarí, huqíqlarí hám majbulriyatlarí kórsetiledi. Idoralíq metrologiyalíq xizmetler iskerligi ústinen tekseriwdi Mámleket metrologiyalíq xizmeti orínlarda ámelge asíradí.