Ожизларга меҳрибонлик олийжанобликдир 1. Агар оиласи ва бола-чақаси таъминотига қийналиб тур-
ган камбағал одамни кўрсанг, унга ёрдам қўлини чўзишинг ва
болалар тарбиясида унга кўмаклашишинг керак. Чунки бола-
лари яхши тарбия олмаса, улар бировлар молини ўғирлайдиган
ўғри ва жиноятчига айланиши мумкин.
2. Агар сен келажакда бир оиланинг бошлиғи (отаси) ва-
фот этиб, боқувчиси йўқотганини ва илгари азиз бўлиб,
кейин хорланиб қолганини билсанг, қўлингдан келганича
уларга ёрдам беришинг керак.
3. Агар сен бир одамнинг чўкаётганини ёки ёнғин ичида
қолганини ёки унга бир ваҳший ҳайвон ҳужум қилаётганини
эшитсанг ва ёрдам беришга қодир бўлсанг, эвазига ҳеч қандай
мукофот ва раҳмат кутиб ўтирмай унга ёрдамга шошилишинг
керак.
Садоқатли хизматкор мукофоти (Ибратли ҳикоя) ир бойнинг ўттиз йилдан кўпроқ хизматини қилган бир
хизматчиси бор эди. Ниҳоят, бу хизматчи ёши улғайиб,
хизматга ярамай қолди. Шунда бойнинг болаларидан бири
деди:
– Эй ота, нима учун мана бу фойдаси тегмайдиган кучсиз
хизматчини бўшатиб, ўрнига бақувват хизматчини олиб кел-
маймиз?
– Эй ўғлим, бу одам ёш ва бақувват вақтидан бери бизга
садоқат билан хизмат қилиб келди. У ёшлигингизда сизларни
елкасида кўтариб, улғайгунингизча сизларга келган озорлар-
ни қайтарарди. Мана энди қуввати кетиб, кучдан қолганида
уни ҳайдаб юбориш одамгарчиликдан эмас. Мен яқинда унинг
ишини бажарадиган қувватли хизматкор олиб келаман. У эса
боғдаги ҳужрасида яшайверади. Энди бизга омонат ва ихлос
– 93 – билан хизмат қилгани эвазига уни тақдирлаш учун бирон иш
қилишга мажбур қилмайман, – деди отаси ўғлига.
Болалар луғати Садоқат – дўстлик, бирдамлик, самимийлик ва
вафодорлик.
