Janat Odamlar n65. p65
Download 0.62 Mb. Pdf ko'rish
|
Janat Odamlar n65
- Bu sahifa navigatsiya:
- Jannati odamlar 255
|
Xudoyberdi To‘xtaboyev
254 – Voy, o‘g‘lim, bugun esing kirib qolibdimi? – deb so‘radi bobojonim. – Ha, kechasi uxlaganimda esim kirib qoldi, – deb javob qaytardim. – Obbo azamat-ey, endi, ko‘p-ko‘p uxlagin, ko‘p uxlasang, mana shunaqa esing ko‘payib qoladi. Mayli mollarni olib chiq, keyin qo‘ylaringni ham boqqa haydab yubor. Hammasini bajarib bo‘lib uyga kirayotgan edim, bobojonim «Obbo o‘g‘lim-e, bilib turibman, o‘sha yoqqa borging kelyapti, ha mayli, boraqol. Nima gapligini bilib, darrov orqangga qaytgin», deb tayin- ladi. Borsam, o‘h-ho‘, juda zo‘r bo‘p ketibdi. Yuk tashiydigan to‘rt g‘ildirakli mashinalar, g‘ildiragini qornining ichiga berkitib o‘lgan askar akalarning tankalari, otliqlar, ijroqo‘m amaki-yu, bitta qulog‘i yo‘q raisimiz, melisalar... E-he, juda zo‘r tomosha bo‘layotgan ekan. Mozorboshi tomondan katta mashinada bilagiga qizil latta bog‘lagan komsomol akalar ham kelishyapti, ashula ham aytishyapti. Eski dunyoni buzamiz, Yangi dunyo quramiz. To‘siqlarni yengamiz, Faqat olg‘a yuramiz. Olg‘a bos, Olg‘a bos, Olg‘a bos. Ashulani juda baland ovoz bilan aytishyapti. Hammamiz xursand bo‘p ketdik. Qulijon o‘rtog‘im yelkasiga ukasini mindirib chiqqan ekan, ular ham sevinib ketishdi. Keyin biz ham: Jannati odamlar 255 Olg‘a bos, Olg‘a bos, Oig‘a bos, – deb oyog‘imizni tapillatib ashula ayta boshladik. Bitta qulog‘i yo‘q raisimiz tegirmon toshining ustiga chiqib ot minib turgan yelkasida yulduzi bor eng katta boshliqdan: «Komandir o‘rtoq, askarlaringizning hammasi kelib bo‘ldimi?» – deb so‘radi. – Kelib bo‘ldi, – degan javob qaytdi. – Komsomollar-chi? – yana so‘radi raisimiz. – Biz shaymiz! – deb javob qaytardi qishlog‘i- mizdagi hamma komsomollarning boshlig‘i Yusufali akam. U ot minmabdi, velosiðediga suyanib turgan ekan. Qulijon o‘rtog‘im, ana shu velosiðedning qo‘ng‘irog‘i ichida shayton bor ekan, deb shivirladi menga. Rais amaki qo‘lidagi qog‘ozga qaradi. «Mirza boboning bog‘ini buzgani Rapqondan kelgan hasharchi komsomollar bilan bitta tanka, to‘rtta askar yuborilsin», deb o‘qidi. Keyin o‘qiyverdi- o‘qiyverdi, askar akalar, komsomollar, tankalar, bog‘larni buzgani jo‘nab ketaverdi. Bilagiga qizil taqqan akalar mashinaga o‘tirayotib: Eski dunyoni buzamiz, Yangi dunyo quramiz. Olg‘a bos, Olg‘a bos, Olg‘a bos! – deb ashula aytaverdi-aytaverdi. Men, xayriyat, bizning bog‘imiz buzilmas ekan, ana, ro‘yxatni o‘qimayapti-ku, e Xudo, hecham |
