Kbk: 84(Ros-Rus)

---

---

UO‘K: 821.161.1
KBK: 84(Ros-Rus)
G-61
Gogol, Nikolay
Taras Bulba / Nikolay Gogol. – Toshkent: Yangi asr avlodi, 
2015. – 304 b.
ISBN 978-9943-27-509-6
O‘z davrida rus adabiyotining eng istе’dodli yozuvchilaridan 
sanalgan Nikolay Gogolning ijodiy tajribasi tuganmasdir. 
Gogolcha uslub, gogolcha til, gogolcha tasvir, gogolcha yumor, 
gogolcha rеalizm jahon yozuvchilari uchun o‘ziga xos mahorat 
maktabi. Ikki qismdan iborat ushbu kitobda muallifning 
qiziqar li qissalari jamlangan bo‘lib, ularning har birida o‘sha 
davr dagi xalq hayoti, jamiyatning o‘ziga xos muammolari 
yengil yumoristik uslubda yoritilgan. Gogol asarlarining tub 
ma’nosini chuqur anglab, qahramonlari bilan yaqindan tani-
sharkansiz, odamzodning tug‘ilish, yeyish, ichishdan iborat va 
nihoyat paymonasi to‘lganda olamdan o‘tishi muqarrar bo‘lgan 
bu o‘tkinchi dunyoda hirs-havas nimadan o‘zi, deya o‘ylanib 
qolasiz. Turmushning majruh va hajviy darajada bеma’niligi-yu 
yaramasligini ko‘rasiz, binobarin, asar qahramonlari taqdirida 
qatnashasiz, ular ustidan kulasiz va qayg‘usidan azoblanasiz. 
UO‘K: 821.161.1
KBK: 84(Ros-Rus)
ISBN 978-9943-27-509-6
© Nikolay Gogol, «Taras Bulba». «Yangi asr avlodi», 2015.

---

TARAS BULBA
I
– Qani, o‘g‘lim, menga qara-chi! Juda g‘ala-
tisan-ku! Bu nimasi, poplar kiyadigan ro‘dapo 
to‘nlarni kiyib olibsizlar? Yo akademiyadagilar-
ning hammasi shunaqa kiyinishadimi?
Kiyevning ruhoniylar tayyorlaydigan akademi-
yasida o‘qib qaytgan ikki o‘g‘lini keksa Bulba shu 
so‘zlar bilan qarshi oldi.
O‘g‘illari endigina otdan tushishgan edi. Ikkovi 
ham yaqindagina maktabni bitirib chiqqan talabalar 
singari yovvoyiroq, azamat o‘spirinlar edi. Beg‘ubor 
tetik yuzlaridagi maysa mo‘ylariga hali ustara tek-
kani yo‘q. Ular otalarining bunday muo malasidan 
juda xijolat bo‘lib, indamay yerga qarab turardilar.
Bulba o‘g‘illarini aylantirib ko‘rarkan:
– To‘xtanglar! To‘xtanglar! Yaxshiroq ko‘ray! 
To‘nlaring muncha uzun? Ana xolos! Dunyo bino 
bo‘lib bunaqasi ko‘rilmagan bo‘lsa kerak! Qani, 
birortang chopib ko‘r-chi! Ko‘ray-chi, etagingga 
o‘ralashib yiqilmasmikansan, – dedi.
Nihoyat kattasi:
– Ota, masxara qilmang, kulmang! – dedi.
– Savlatingni qara, axir! Kulmay bo‘ladimi?
– Masxara qiladigan bo‘lsangiz, azbaroyi Xudo 
otam bo‘lsangiz ham ayab o‘tirmayman!
– Ha-ha, hali shunaqami! Otangni-ya? – dedi 
Taras Bulba, taajjub bilan bir necha qadam orqa-
siga chekinib.

---

4
Nikolay Gogol
– Ha, otam bo‘lsangiz ham, masxara qiladigan 
bo‘lsangiz ayamayman.
– Hali men bilan urishmoqchimisan? Qanaqa-
siga? Mushtlashamizmi?
– Qanaqasiga desangiz ham mayli.
Bulba yengini shimarib:
– Kel, bo‘lmasa mushtlashamiz, ko‘ray-chi, 
mushtlashishga qalay ekansan! – dedi.
Anchadan beri bir-birini ko‘rmagan ota-bola 
quchoqlashib ko‘rishish o‘rniga bir-birining goh 
biqiniga, goh ko‘kragiga mushtlab, do‘pposlash-
dilar; xo‘b savalashib olishgach, orqaga tisa rilib, 
bir-biriga qarab qo‘yishardi-da, yana do‘ppos-
lashishardi.
Bolalarning nimjongina, ozg‘in mehribon onasi 
suygan bolalarini hali bag‘riga bosib ulgurmagan 
edi. U ostonada turib:
– Hoy yaxshilar, buni qaranglar; bu chol jin-
ni bo‘libdi, miyasi aynib qolipti; bir yildan beri 
ko‘rmagan bolalari kelsa-yu, bu qurg‘ur, bilma-
dim, nima xayolga tushibdiki, jigarporasini bag‘ri-
ga bosish o‘rniga mushtlashyapti-ya! – dedi.
– E, juda ajoyib so‘kisharkan! – dedi Bulba 
biroz to‘xtab. – Azbaroyi Xudo, mushtlashishni 
qo yil qilarkan! – o‘zini rostlab olib, keyin yana: 
– Sinashga ham hojat yo‘q ekan. G‘aroyib kazak 
bo‘ladi! Barakalla, o‘g‘lim. Kel, o‘pishib olaylik, – 
dedi. Ota-bola o‘pishib ko‘rishdilar. – Barakalla, 
o‘g‘lim! Hammani ham meni urgandek do‘ppos-
la, hech kimdan tap tortma! Lekin nima desang 
ham kiyim-boshing g‘alati: bu osilib turgan chil-
viring nimasi? Sen, lapashang, nega qo‘llaringni 
shalvillatib turibsan, – dedi kichik o‘g‘liga qarab. 
– Itvachcha, nega meni do‘pposlamading?

---