Kbk: 84(Ros-Rus)

IVAN TURGENEV
«Otalar va bolalar»
84x108 1/32 320 bet, qattiq muqova
Mashhur rus yozuvchisi I.S.Turgenevning o‘z 
davrida katta shuhrat qozongan ushbu «Otalar va 
bolalar» romani rus adabiyotshunosligida yozuvchi 
ijodining cho‘qqisi sifatida talqin etiladi. Adib bosh 
qahramon Bazarov obrazida hurfikrlilik va yangi-
lik sari intilish kabi fazilatlarni mujassamlantirgan. 
Asardagi voqealar o‘sha davrda chiriy boshlagan 
jamiyatni shunchaki isloh etish emas, balki poy-

---

devorini tag-tugi bilan yo‘q qilib, yangisini barpo 
etish kerakligini ko‘rsatib beradi. Turgenev Baza-
rovdagi nigilizm (barcha narsalarni inkor qilish)ni 
tasvirlash orqali rus yoshlariga xos salbiy jihatlarni 
ham namoyon etgan. Kattalarni hurmat, kichiklar-
ni izzat qilishga o‘rgatuvchi ushbu asar mutolaasi 
kitobxonga zavq bag‘ishlaydi, degan umiddamiz.
FYODOR DOSTOYEVSKIY
«Jinoyat va jazo»
84x108 1/32 876 bet, qattiq muqova
Jahon va o‘zbek adabiyotining durdona asarlari-
dan tarkib topgan «Kamolot kutubxonasi» rukni bu 
gal atoqli rus yozuvchisi Fyodor Dostoyevskiyning 
«Jinoyat va jazo» romanini taqdim etadi.
«Kambag‘allik ayb emas, biroq yo‘qchilik – illat. 
Birinchisida inson tug‘ma olijanob fazilatlarni saqlab 
qola oladi, ammo yo‘qchilikda ularni hech qachon 
va hech kim saqlab qola olmaydi», asardagi perso-
najlaridan biri bosh qahramonga bu gapni hayo-
tiy misollar asosida izohlab beradi. Universitetning 
sobiq talabasi bo‘lgan Raskolnikov esa bu gapdan 
tegishli xulosa chiqara olmaydi. Natijada, yo‘qchilik-
dan qutulish, tezda boyib ketish va yuqori mavqega 
ega bo‘lish maqsadida aql bovar qilmaydigan jinoyat 
sodir qiladi. Fojiali jihati – qahramon o‘z jinoyatini 
oqlaydi. Ammo hayot qonunlari adolatli – jinoyat-
ni jazosiz qolishiga imkon bermaydi. Ruhiy jazo ji-
noyatchini o‘z aybiga iqror bo‘lishga majbur etadi. 
Romanda shu mudhish qotillikning uzluksiz 
uqubatlari bilan birga go‘zal muhabbat tasviri ham 
borki, u kitobxon qalbini beixtiyor junbishga keltiradi.