M. G. Safin,D. G‘. Hayitov, yu. S. Ruziyev

 
1- tajriba. Adrenalinning kaliy yodat bilan rangli reaksiyasi 
 
Ishni bajarish tartibi. 1 % li kaliy yodat eritmasidan solib, ustiga 0,5 
ml 10 % sirka kislotasi eritmasi tomiziladi. Aralashma spirt lampasi 
yordamida 60-65
o 
C gacha qizdiriladi. Suyuqlikning ravshan qizg‘ish-
binafsha rangga bo‘yalishi aralashma tarkibida adrenalin borligidan dalolat 
beradi. 
2- tajriba. Adrenalinning temir (III)- xlorid bilan rangli reaksiyasi 
 
Ishni bajarish tartibi. 
Probirkaga 0,5 ml adrenalin eritmasi, 2 ml 
distillangan suv va 1 tomchi 3 % li 
temir (III)- xlorid solinadi. Aralashma 
tarkibida adrenalin borligi uchun yashil rangga bo‘yaladi. Agar reaksiyani 
davom ettirib unga 1 tomchi 10 % liammoniy gidroksid qo‘shilsa, 
aralashma oldin to‘qqizil, so‘ngra jigar rangga o‘tadi. 
 
3- tajriba. Adrenalinning nitrit-molibdenli reaktiv bilan rangli 
reaksiyasi 

---

153 
Ishni bajarish tartibi. 
Probirkaga 1 ml adrenalin eritmasi, 1 ml nitrit-
molibdenli reaktiv qo‘shib yaxshilab aralashtiriladi
. Aralashma tarkibida 
adrenalin borligi sababli u sarg‘ish-qizil rangga bo‘yaladi. 
4-tajriba. Adrenalinga xos diazoreaksiya 
 
Ishni bajarish tartibi. 
Probirkaga 1 ml 1 % li 
sulfanil kislota
eritmasi, 
1 ml 5 % li natriy nitrit eritmasi, 2 ml adrenalin eritmasi va 1 ml 10 % li 
natriy karbonat eritmasi solinadi. Aralashma tarkibida adrenalin 
bo‘lganligi va uning diazolanishi tufayli u qizil rangga bo‘yaladi. 
62-ish. Steroid gormonlarga xos rangli reaksiyalar 
Kimyoviy 
tarkibi 
jihatidan 
steroid 
gormonlar 
siklopentanpergidrofenantren xalqasi hosilalari hisoblanadi. Ularga buyrak 
usti bezining po‘stloq qismi gormonlari mineralokortikoid (aldosteron, 
dezoksikortikosteron)lar, 
glukokortikoid 
(kortizol, 
kortizon, 
kortikosteron)lar, ayollar jinsiy gormonlari estrogen (estron va estradiol) 
lar, erkaklar jinsiy gormonlari androgen (testosteron va androsteron) lar, 
sariq tana gormonlari progesteron (pregnandiol va progesteron) larni 
kiritish mumkin. Ayol jinsiy gormonlari (follikulin, estradiol va estriol) 
fenol xalqasiga ega bo‘lganligi sababli fenollarga xos qator reaksiyalarni 
beradi. Biomateriallar tarkibida ularni borligini aniqlash uchun fenollarga 
tegishli reaksiyalarni o‘tkaziladi. Bundan tashqari androsteron, follikulin, 
kortizol, kortizon va boshqalar 17- ketosteroidlar deb nomlangan, ya’ni 
17-karbon atomida keton guruhiga ega bo‘lgan moddalar jumlasiga kiradi. 
Organizmning ular bilan ta’minlanganlik darajasini siydikdagi miqdorini 
aniqlash orqali baholanadi.