Мазкур Қоидаларнинг рус тилидаги матни Ўзбекистон Республикаси

XXII боб. Хизмат сафаридаги ходимлар бажарадиган ишлар

513. Хизмат сафаридаги ходимлар деб, туман энергетика бошқармасининг (бирлашмаси) хизмати ва бўлимлари, «Ўздавэнергоназорат» Давлат инспекцияси, ходимлари, энергетика тизимининг эксплуатация, таъмирлаш ва созлаш корхоналарининг (электроcrанциялар, электр ва иссиққлик тармоқлари, таъмирлаш заводлари, электр созлаш корхоналари), таъминловчи заводлар, илмий-текшириш инсти­тутларининг, «Ўзбекэнерго» ДАК нинг таъмирловчи ва созловчи ташкилотларининг, бошқа муассаса ва истеъмолчиларнинг (кейинги матнда хизмат сафарига юбориётган корхона деб юритилади) электростанция, электр ёки иссиқлик корхона­ларининг ишлаб турган электр қурилмаларида иш ба­жариш учун юборилган ва ушбу корхона штат рўйха­тида бўлмаган ходимлар ҳисобланади.

Ишлаб турган электр қурилмаларда ишлаш учун юборилган қурилиш-монтаж ташкилотларининг (кейинчалик ҚМТ) хо­димлари ҳам хизмат сафаридаги ходимлар қаторига кири­тилади. Бу ходимларни хизмат сафаридаги ходимга тенглаштириш тўғрисидаги қарорни электр қурилмала­рини эксплуатация қилувчи корхонанинг бош муҳандиси билан келишган ҳолда, қурилиш-монтаж ташки­лоти раҳбарияти қабул қилади.
514. Хизмат сафаридаги ходимнинг электр қурилмаларда ишлашга рухсат мазкур Қоидаларга мувофиқ амалга оширилади. Хизмат сафаридаги ходимда хизмат сафарига юборган корхона (ташкилот) томонидан берилган мазкур Қоидалар бўйича билими текширилган ва электр хавфсизлиги бўйича малака гуруҳсига эга бўлган расмий шаклдаги гувоҳнома бўлиши шарт.
515. Хизмат сафарига юборилаётган корхона иш раҳбари, ишбоши, назорат қилувчи ва бригада аъзолари қилиб тайинланиши мумкин бўлган ходимларни, шунингдек узоқ муддатли ишларга наряд бериш ҳуқуқи берилган ходимларни ёзма равишда кўpсатиши зарур.
516. Ишлаб турган электр қурилмаларда хизмат сафаридаги ходимларга иш раҳбари, ишбоши ва бригада аъзолари сифатида ишлаш ҳуқуқини электр қурилмаларини эксплуатация қилувчи корхона раҳбария­ти хизмат сафарига юборган корхона хатига қўйган кўрсатмаси ёки махсус ёзма кўрсатма билан рас­мийлаштирилиши мумкин. Наряд ва фармойиш бериш ҳуқуқи эса электр қурилмаларини эксплуатация қилувчи корхона раҳбариятининг ёзма кўрсатмаси билан расмийлаштирилиши шарт.
517. Хизмат сафаридаги ходим, хизмат сафарига келган корхонадаги иш бажариш керак бўлган жойдаги электр қурилмаларнинг хусусиятини ҳисобга ол­ган ҳолда электр хавфсизлиги бўйича йўpиқнома олиши шapт. Наряд берувчи, иш раҳбари ва ишбоши вазифасини бажариш ҳуқуқи топширилган ходимлар ўша электр қурилмаларининг чизмалари бўйича ҳам йўpиқнома олишлари зарур.
Йўpиқнома, йўриқномаларни қайд қилиш журналида йўриқнома олган ва йўл-йўpиқ берган хизматчи­нинг имзолари билан расмийлаштирилади.
518. Хизмат сафаридаги ходимларга йўpиқномани эксплуатация корхонасининг V гуруҳига эга бўлган маъмурий техник ходими ёки IV гуруҳга эга бўлган нав­батчи ёки тезкор-таъмирлаш ходими бериши лозим.
Йўpиқноманинг мазмунини бажарилиши керак бўлган иш характерига, электр қурилмаларини чизма­сига, ишнинг мураккаблигига ва хусусиятига қараб йўл-йўpиқ берувчи ходим белгилайди.
519. Хизмат сафарига юборган корхона хизмат сафаридаги ходимларнинг электр хавфсизлиги гуруҳига ва уларга берилган ҳуқуқларга лойиқ эканли­гига ва ходимлар мазкур Қоидаларни бажаришларига жа­воб беради.
520. Ишлаб турган электр қурилмаларда хизмат сафаридаги ходимлар ишлаётган корхона электр то­кидан шикастланишга қарши ва ишлаб турган электр қурилмалари таъсиридан ҳосил бўладиган кучланиш­дан ишчиларни сақлаш учун хавфсизлик чораларини бажаришига жавоб беради.
521. Электр қурилмалари махсус таъмирлаш корхо­на участкалари томонидан доимо эксплуатация қила­диган корхона, бу корхоналар билан келишган ҳолда таъмирлаш корхоналари участка ходимларини «Энер­гетика корхоналари ва ташкилотларида ходимлар би­лан иш ташкил қилиш бўйича раҳбарий кўрсатма»га асосан тайёрлагандан сўнг, уларга тезкор-таъмирлаш ходими хуқуқини бериши мумкин.