Microsoft Word anvar obidjon meshpolvonning janglari lotin ziyouz com doc
Download 411.15 Kb. Pdf ko'rish
|
Meshpolvonning janglari. ekituz
|
www.ziyouz.com kutubxonasi
65 – Onadan qo‘mondonligimcha tug‘ilganman. Senlarning peshanangga askarlik yozilgan, mensiz hammang harom o‘lasan. Esingdami, Iblisjarda «buvijon»lab yotganing? Agar Hojixon oshnam yordamlashmaganda, kuningni ko‘rarding? – O‘rgildim o‘sha ajinangdan, – dedi Oshiqbola. – Kechasi qasrdan qaytib kelib, «hushyor turinglar, ertaga katta urush bo‘ladi», deganicha qayoqqadir qochvordi. Mana, haliyam qorasini ko‘rsatmayapti... Istehkom ortidan kelgan ovoz ularning g‘idi-bidisiga barham berdi. Elchi ekanini bildirish uchun nayzasiga oq latta bog‘lab olgan bir jangchi yaqindan turib shartini ayta boshladi: – Oralaringda dahshatli Meshpolvon degan bahodir bor ekan. Zo‘r bo‘lsa, maydonga chiqib, bizdagi Cho‘tir pahlavon bilan kuch sinashsin. Avvaliga Meshpolvonning dami ichiga tushib ketdi, qo‘ynida Chika bilan Pukasi borligi esiga kelgandan keyin daf’atan dadillanib, noz-firoqli javob qildi: – Obro‘yimga uncha to‘g‘ri kelmasayam, bu shartga roziman. Shundan so‘ng uyoqdan ko‘krak juni po‘stinday, bilaklari ustunday, otbo‘yin-u filoyoq, har panjasi bir tayoq bo‘lib Cho‘tir pahlavon chiqdi, buyoqdan Meshpolvon o‘qlovni belga qistirib, istehkomni oshib o‘tdi. Ular maydon o‘rtasida yuzma-yuz kelishgach, Cho‘tir pahlavon xomsemiz raqibiga parvosiz boqib, bir so‘z dedi: Zoti toza tozilar Urushmaydi it bilan. Nahot xumor yozilar Olishib sen bit bilan? Mitir-mitir yurasan, Koshki qo‘lga ilinsang. Hali dodlab berasan Biron joying shilinsa. Sen munosib zo‘r yov-u, Tushdimmi men shu holga? Tupuraman o‘qlov-u, Boshingdagi sopolga. Po‘staknamo shu to‘nda Qochmasingdan emaklab, Opkelaqol besh-o‘nta Oshnangniyam yetaklab. Aytay endi mazax gap Turishingga yarasha: U ko‘zingga teshasop, Bu ko‘zingga tarasha. Bundan Meshpolvonning jahli lunjida ko‘pib, kalishida yer tepib, Cho‘tir pahlavonga dag‘dag‘a bilan javob qildi: Tirikka go‘r qaziyverma, |
