Ona tili va bolalar adabiyoti

260-mashq. Berilgan sifatlarga -roq qo‘shimchsini qo‘shib ko‘ring. Ularni
-roq qo‘shimchasini qabul qila olish-qila olmasligiga ko‘ra ikki guruhga ajrating. 

---

120 
Tuxumsimon, chiroyli, kuzgi, ilk, nam, to‘ng‘ich, ho‘l, tinch, baland, 
chuchuk, do‘ppili, tuzli, sobiq, oilaviy, devoriy, xomush, jingala, boy, 
qizil, bo‘liq, tonggi, tekis, siniq, mazali, boloxonali, jiddiy. 
Savol va topshiriq: 
1. Asliy sifat nima? 
2. Nisbiy sifat nima? 
3. Qanday sifat darjalanish xususiyatiga ega? 
4. Asliy va nisbiy sifatga 5 tadan misol keltiring. 
261-mashq. Gaplarni o‘qing. Oddiy, qiyosiy va orttirma darajadagi sifatlarni 
aniqlab, ularni uch ustunchaga ajratib yozing. Qiyosiy va orttirma darajadagi
sifatlarning qanday vosita orqali hosil bo‘lganligini ko‘rsating. 
1. Mashina bir baland tepaning orqasiga o‘tib to‘xtadi. (S. Anor-
boyev) 2. Belimda pul, boshimda savag‘ichdan to‘qilgan katta qafasda 
kukkulab turgan bir juft qumri. (G‘. G‘ulom) 3. Bularni sotgandan so‘ng 
ketmonchilikka borib, kattaroq bir ketmon izlaydi. (A. Qodiriy) 4. Pax-
tasini keltirib, xirmondagi eng katta to‘pga to‘ka boshladi. (M. Ismoiliy) 
5. Shirin mevalarga o‘rgangan og‘izlariga bu yerning nordon ne’matlari 
yoqmadi. (Oybek) 6. –Yo‘q, – dedi xatlar bo‘limining mudiri bilim-
donlik bilan. – Mandarin bu po‘rtaxol, apelsindan kichikroq, limondan 
shirinroq sitrus daraxtining mevasi. (N. Aminov) 7. Jahonda eng shirin 
qovunlar O‘zbekistonda yetishtiriladi. (“O‘zbekiston milliy ensiklope-
diyasi”dan) 
 
Savollar: 
1. Sifat darajalari deganda nimani tushunasiz? 
2. Sifatning qanday daraja shakllari bor? 
3. Oddiy darajadagi sifat qanday shaklda bo‘ladi? Bu daraja qanday ma’noni 
ifodalaydi? 
4. Qiyosiy daraja qanday vosita orqali hosil bo‘ladi? Qiyosiy darajadagi sifat 
qanday ma’noni ifodalaydi? 
5. Orttirma daraja shakli qanday vosita orqali hosil bo‘ladi? Orttirma 
darajadagi sifat qanday ma’noni ifodalaydi?