Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Milliy va diniy qadriyatlar tiklanishi. Milliy qadriyat deganda millat 
uchun muhim ahamiyatga ega bo`lgan xususiyatlari, an’analari, marosimlarini 
tushunamiz. Qadriyatlar dastlab mahalliy mazmunda Xorazm, Surxondaryo, 
Buxoro, Samarqand, Toshkent, Farg’ona hududlarida yashovchi elatlarga xos urf-
odatlar, marosimlar tarzida shakllanadi. Mahalliy qadriyatlarning eng yaxshilari 
asrlar davomida saralanib, umuminsoniy qadriyatlar darajasiga ko`tariladi, turli 
mamlakatlarga xos eng yaxshi qadriyatlar saralanib umuminsoniy qadriyatlarga 
aylanadi.
O`zbek xalqiga xos: tug’ilgan makon va ona yurtiga ehtirom; avlodlar 
xotirasiga sadoqat; kattalarga hurmat, kichiklarga izzat; mehmondo`stlik; 
bolajonlik; ma’naviyat-axloq-odob-ma’rifat; muomalada mulozamat, hayo, 
andishalilik; og’ir kunlarda vazminlik, sabr-toqat kabi jihatlar uning milliy 
qadriyatlari sifatida boshqa xalqlar tomonidan e’tirof etilgan.
«Navro`z» Prezident Farmoni bilan umumxalq bayrami sifatida 1991 yildan 
boshlab har yili 21 mart kuni nishonlanadigan bo`ldi, bu kun dam olish kuni deb 
e’lon qilindi.
1992 yil 27 martda «Ro`za hayiti kunini dam olish kuni deb e’lon qilish 
to`g’risida» Prezident Farmoni e’lon qilindi. Qur’oni karimning izohli tarjimasi 
2002 yil shayx Abdulaziz Mansur tomonidan tayyorlandi va ommaviy nusxada 
nashr etildi.
Vazirlar Mahkamasining 1995 yil 19 maydagi Qarori bilan Toshkentda 
Xalqaro islom tadqiqot markazi tashkil etildi. Har bir viloyatda kamida bittadan 
Madrasa; Toshkent shahrida: Islom Universiteti, Xalqaro Islom tadqiqotlar 
markazi, Imom Buxoriy nomidagi Islom mas’hadi, Eshon Boboxon nomidagi 
ayollar madrasasi, Abulqosim va Ko`kaldosh madrasalari faoliyat ko`rsatmoqda. 
Televidenieda berilayotgan «Ma’rifatnoma», «Ziyo» ko`rsatuvlari diniy ma’rifatni 
o`stirishda katta ahamiyat kasb etmoqda. Har yili o`rtacha 4 mingga yaqin 
fuqarolar Makkai munavvara va Madinai mukarramaga safar qiladilar.