Ўзбекистон Республикаси Адлия вазирлигида 2020 йил 30 июнда 3275-сон

АТС таъсир зонаси - телефон станцияси ёки подстанциядан кабель (ҳаво) линиялари 
ёки радио фойдалана олиш воситалари орқали телефонлаштирилиши мумкин бўлган ҳудуд; 
аутентификация - маълумотлар узатиш тармоғи хизматларидан фойдаланувчи 
томонидан кўрсатилган идентификациялаш маълумотларининг ҳақиқийлигини аниқлаш; 
ахборот-маълумот хизмати - фойдаланувчиларга, уларнинг ташаббусига кўра, 
оғзаки (товушли), чат ёки визуал сўров шаклида ифодаланган ахборотни (бир телефон 
боғланиш чегарасида) тақдим этувчи хизмат; 
бирламчи оператор - бирламчи равишда рақамлаш ресурси ажратилган, бу ресурсдан 
абонентга абонент рақами биринчи марта кўчирилган мобил алоқа оператори ёки 
провайдер; 
буюртма хизмат кўрсатиш тизими - олдиндан буюртма берган ҳолда оператор-
телефонист ёрдамида алоқа ўрнатилиши; 
дилернинг хизмат кўрсатиш пункти - дилер томонидан ташкил қилинадиган ва 
фойдаланиладиган хизмат кўрсатиш пункти; 
домен номи - ахборот ресурсига ёки ахборот тизимига берилган, уларни Интернет 
тармоғида идентификациялаш учун хизмат қиладиган ноёб ном; 
домен номлари тизими - Интернет тармоғида домен номларини бериш, рўйхатдан 
ўтказиш ва улардан фойдаланиш тартиби; 
Ўзбекистон Республикасида жисмоний шахснинг шахсий идентификация 
рақами (бундан буён матнда ЖШШИР деб юритилади) - ЖШШИРни аниқлаш тартибига 
мувофиқ жисмоний шахснинг паспорти бўйича аниқлаш мумкин бўлган ва 14 рақамдан 
иборат шахсий идентификация рақами; 
дарҳол хизмат кўрсатиш тизими - абонентдан буюртмани қабул қилгандан кейин 
оператор-телефонист ёрдамида зудлик билан телефон боғланишнинг ўрнатилиши; 
идентификациялаш - мавжуд маълумотлар асосида маълумотлар узатиш тармоғи 
хизматларидан фойдаланувчининг шахсини аниқлаш; 
йирик авария - маълум бир административ ҳудудда телекоммуникация 
хизматларини тақдим этишнинг тўхталишига олиб келадиган авария ҳолати; 

---