Ўзбекистон республикаси мактабгача таълим

Қўшимча:тарбиячи болаларга уйга кетаётганда йўл белгиларини кузатиш ва ўхшашини 
топишни таклиф қилади.
Алоҳида эътибор қаратилади:йўл белгиларига риоя этишнинг инсон ҳаётидаги аҳамияти.
 

---

170 
 
Сюжетли-ролли ўйинлар ва саҳналаштириш 
Мавзу: Автобус 
Мақсад: болалар автобус турларини фарқлайдилар.
Керакли жиҳозлар: ҳайдовчи кийими, салон ва ўриндиқлар.
Фаолиятнинг бориши:
1. Автобус турлари акс этган расмларни кўриб чиқиш. 
2. Ролларни тақсимлаш. 
3. Ўйин учун керакли атрибутларни танлаш. 
4. “Автобусда кетаяпмиз” саҳнасини қўйиш. 
5. Ижро этилган саҳнани муҳокама қилиш ва рағбатлантириш. 
Қўшимча: “Автобус бекати” ўйини. 
Алоҳида эътибор қаратилади: ҳаёт хавфсизлиги қоидалари. 
 
Санъат
Мавзу: Ўз қўлимиз билан светофор ясаймиз 
Мақсад: болалар картон ва иккиламчи материаллардан светофор ясайдилар ҳамда уни 
қаерларда ишлатилишини тушунтириб бера оладилар. 
Керакли жиҳозлар: светофор тасвирланган расмлар, рангли қоғоз, картон, иккиламчи 
материаллар, қайчи, елим. 
Фаолиятнинг бориши:
1. “Шаҳардаги светофорлар” мавзусидаги расмларни кўриш. 
2. Светофор ясаш чизмаси билан танишиш. 
3. Ишни режалаштириш 
4. Иш жараёни. 
5. Болаларнинг фаолияти натижасини муҳокама қилиш. 
6. Рағбатлантириш. 
Қўшимча: тайёр светофорни ҳовлидаги йўл ҳаракати майдончасига ўрнатиб “Йўл 
белгилари” таълимий ўйинини ўйнаш.
Алоҳида эътибор қаратилади:йўлни кесиб ўтаётганда светофор чироқларига қараб ўтиш.
 
 
Санъат 
Мавзу: Йўл белгиларини ясаш
Мақсад: болалар йўл белгиларини ясашда пластилин ёки лойни айлантириш ва думалатиш 
кўникмаларини ривожлантирадилар.