7-Mavzu. Mustaqillik yillarida O‘zbekistondagi ma’naviy va madaniy taraqqiyot. Reja

4. O‘zbekistonda millatlararo va dinlararo munosabatlardagi barqarorlikni ta’minlash 
borasidagi davlat siyosati. 
O‘zbekistonda yashab faoliyat ko‘rsatayotgan turli konfessiya vakillarining ma’naviy 
dunyosi, e’tiqod erkinligi uchun istiqlolning dastlabki kunlaridan boshlab keng yo‘l ochildi. Din 
davlatning ma’naviy-madaniy hayotining uzviy qismi ekanidan kelib chiqib, unga bo‘lgan 
munosabat tubdan o‘zgardi. Dinga bo‘lgan yangicha munosabat mamlakat rahbari tomonidan 
ko‘rsatilgan “Dunyoviylik — dahriylik emas” tamoyili asosida belgilab berildi.
Iftixor bilan aytishimiz mumkinki, jamiyat hayotining barcha jabhasida olib borilayotgan 
keng qamrovli islohotlar o'z samarasini berayapti. Binobarin, istiqlol yillarida Vatanimizda 
yashayotgan turli millatlar o'rtasida o'zaro hurmat, tenghuquqlilik hamda hamjihatlikni 
mustahkamlash, uning qonuniy asoslarini yaratishga alohida e'tibor qaratildi. Ijtimoiy va 
iqtisodiy barqarorlikni saqlash, dinlararo va millatlararo munosabatlarni uyg'unlashtirish 
hisobiga xalqaro maydonda O'zbekistonning obro'si oshib bormoqda. Mamlakatimizda olib 
borilayotgan keng ko'lamli islohotlar markazida, avvalo, inson manfaati, uning huquq va 
erkinliklarini ta'minlash maqsadi turadi. Fuqarolar manfaatlarini faqatgina tinchlik va 
osoyishtalik, o'zaro hurmat, mehr-oqibat va hamjihatlik muhitini yaratish orqali ta'minlash 
mumkin. Xususan, mamlakatimizdagi davlat ta'lim muassasalarida o'qitish etti tilda olib boriladi. 
O'zbekiston Milliy teleradiokompaniyasi o'z ko'rsatuvlarini o'n ikki tilda namoyish etmoqda, 
o'ndan ortiq tilda gazeta va jurnallar nashr etilmoqda.
Bugun O‘zbekiston Respublikasida 17 konfessiyaga mansub 3000 dan ortiq diniy 
tashkilot bilan birga Imom Buxoriy nomidagi Islom universiteti, 9 ta o‘rta-maxsus islom bilim 
yurtlari hamda pravoslav va protestant seminariyalari ishlab turibdi. O‘zbekiston