Kristallografiya va mineralogiya

Gips - CaSO
4
 · 2H
2
O  
Mineralning nomi grekcha gips – bo‘r, gips degan so‘zdan kelib chiqqan.
Kimyoviy tarkibi: Ca – 23,28%; S – 18,62%; O – 55,75%; H – 2,35%.
Singoniyasi monoklin, simmetriya ko‘rinishi prizmatik – L
2
RS. Fazoviy 
gruppasi: a
0
=5,68; b
0
=15,15; c
0
=0,374; a
0
:b
0
:c
0
=0,691:1:0,415 β=113°50′.
Kristallarining qiyofasi tabletkasimon, ustunsimon va prizmatik bo‘ladi 
(22.5-rasm). Yopishib o‘sgan qo‘shaloq kristallari ham ko‘p uchraydi. Agregatlari 
zich massa holida, tomirsimon to‘plamlar, hamda ayrim kristallar, jeodalar (22.6-
rasm) va druzalar shaklida uchraydi. Gips kristallangan tolasimon, donasimon va 
qumsimon xillarga ajratiladi. Gipsni yarim shaffof tolasimon xili selenit yoki oy 
toshi deyiladi. Mayda donador xili alebastr, qumsimon xili – poykilitli gips 
deyiladi. Gips kristallarini o‘sishmasi gipsli atir gullarni hosil qilishi mumkin.
 
 
 
 
 
 
 
 
 
22.5-rasm. Gips. 
Gipsni rangi oq, ayrim kristallari ba’zan suvdek shaffof. Aralashmalar 
hisobiga turli ranglarda bo‘lishi mumkin. Yaltirashi shishasimon, ulanish tekisligi 
yuzalarida sadafdek. Ulanish tekisligi (010) bo‘yicha o‘ta mukammal, (100) va 
(011) bo‘yicha aniq. Sinishi chig‘anoqsimon. Qattiqligi 1,5 – 2 (tirnoq bilan 
chiziladi). Solishtirma og‘irligi 2,3. Optik xususiyatlari: ikki o‘qli, musbat. Ng= 
1,530; Nm= 1,528; Np= 1,520; Ng-Np= 0,010; 2v= 58°.

---

213 
Gips uchun diagnostik belgi bo‘lib, ulanish tekisligini o‘ta mukammalligi va 
kichik qattiqligi hisoblanadi. Rentgenogrammadagi asosiy chiziqlari: 3,074; 2,075; 
1,890. HCl da eriydi, suvda qisman eriydi. Eng ko‘p erishi 37 – 38°C da bo‘ladi, 
107°C dan yuqori temperaturada esa erishi kamayadi. Dahandam alangasida suvi 
yo‘qoladi, varaq – varaq bo‘lib ajralib eriydi va oq rangli emalga aylanadi.