O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti g. R. Tursunova

Choy - banketda xizmat ko‘rsatish. Ofitsiantlar mehmonlarni bezatilgan 
stollarga taklif qiladi, birinchi navbatda ayollar, yoshi ulug‘lari joylashtiradi. Hamma 
mehmonlar joylashganlaridan so‘ng, ofitsiantlar mehmonlarga shirinliklar va 
ichimliklar tavsiya qiladi. Ofitsiant o‘ngdan chap tomonga yurib taomlarni beradi. 
Taom idishlarini qo‘yish uchun har bir mehmon oldiga kichik tarelkalar qo‘yiladi. 
So‘ngra issiq ichimliklar, qandolat mahsulotlari qo‘yiladi. 
Ofitsiantlar foydalanilgan idish - tovoq va anjomlarni yig‘ishtirib oladi va toza 
dessert tarelkalari, anjomlarni beradi. O‘zbekistonda choy banketi boshqacha tashkil 
etiladi. Hozirda kafe va oshxonalarda choylar paxta gulli choynaklarda damlanadi, 
paxta gulli piyolalar bilan mehmonlar oldiga qo‘yiladi. Ofitsiant choyni qaytarib, bir 
oz tindirib piyolaga quyadi va mehmonga uzatadi.
To‘y - banketi. Restoranda to‘ylarga xizmat ko‘rsatadigan alohida zallari 
bo‘ladi. Mehmonlar yig‘ilib, bir - birlarini kutishadi. To‘y o‘tkaziladigan zalga stollar 
qo‘yiladi, banket dasturxoni bezatiladi. Restoranning faqat bitta zali bo‘lsa, 
mehmonlar eshik oldida to‘planishadi. To‘y banketlari uchun taomnomalar maxsus 
muqovalarda tayyorlanadi va ular odatdagi banketlarga qaraganda kichikroq, «To‘y 
taomnomasi» deb yoziladi. Muqova ichiga taomnoma solinadi, ammo taomlar va 
ichimliklarning narxi ko‘rsatilmaydi. 

---

281 
Buyurtma qabul qilish. Avval to‘y o‘tkaziladigan zal buyurtmachiga 
ko‘rsatiladi. To‘y o‘tkaziladigan sana va vaqti, mehmonlar soni, to‘y uchun xarajatlar 
xisoblanadi. Tadbir uchun quyidagi masalalar oldindan hal qilib olinadi:

milliy an’analardan kelib chiqqan holda xizmat ko‘rsatishning o‘ziga xos 
xususiyatlari; 

kelin - kuyovlarning kirib kelishi va salomlashishi;

sovg‘a va gullar uchun alohida joylarning bo‘lishi;

mehmonlarni joylashtirish tartibi;

issiq taom va ichimliklarni berish tartibi, o‘yin-kulgi va b. 
To‘y egasi bilan taomnoma, banket stollarining joyi, mehmonlarni joylashtirish 
rejalari kelishib olinadi.
To‘y taomnomasiga har xil sovuq taomlar va gazaklar, go‘shtli taomlar, 2-3 
issiq taomlar, qandolat mahsulotlari, meva va ichimliklar kiritiladi.