Dilnavoz Yusupova

Tamsil 
 
Tamsil (arabcha «misol keltirish») – she‘r baytining birinchi misrasida ifodalangan 
fikrga dalil sifatida ikkinchi misrada hayotiy bir hodisani misol qilib keltirishga 
asoslangan san‘at.
Lutfiyning: 
Ey ko‘ngil, jonni xayoli olida qil peshkash,
Har nima bo‘lsa aziz, eltur kishi mehmon sori, –
baytida ikkinchi misrada keltirilgan hayotiy hodisa – mezbonning o‗zi uchun eng aziz 
bo‗lgan narsani mehmon oldiga qo‗yishi birinchi misradagi fikr qiyosi emas, balki dalili, 
tasdig‗iga xizmat qiladi. Baytdagi «Har nima aziz bo‗lsa, kishi mehmoniga tutadi, shuning 

---

94 
uchun, ey ko‗ngul, sen ham joningni, ya‘ni eng aziz narsangni yor xayoliga peshkash qil» 
mazmuni ham tamsil mohiyatini ko‗rsatib turibdi.
Har qanda g‘ami do‘sti dilporani istar, 
To subh yaqo yirtmadi, mehr o‘lmadi paydo.
(Turdi Farog‘iy) 
Mazmuni: 
Tong yoqasini yirtmaguncha, quyosh paydo bo‗lmaganidek, har qayerda ham 
g‗amning do‗sti dili g‗amdan pora bo‗lgan do‗stni istaydi.
Savol va topshiriqlar: 
 
1. «Badoye’ us-sanoye» nima? 
2. Lafziy va ma’naviy san’atlarning farqi nimada? 
3. Tajnis va iyhom san’atining farqlarini tushuntiring.  
4. Kitobat san’atiga asos bo‘luvchi arab alifbosidagi harflarni sanang.  
5. Tashbeh va uning turlarini keltiring.  
6. Mubolag‘aning qanday turlari mavjud? 
7. Tamsil va irsoli masal san’atlarining qanday farqi mavjud? 
8. Tazmin san’atining mohiyatini tushuntiring.  
9. Musaviyat-tarafayn san’atining xos xususiyatlarini sanang.  
10. Mukarrar, tardu aks, tavzi’ san’atlarining qanday o‘xshash va farqli tomonlari bor? 
11. Mustaqil mutolaa jarayonida har bir she’riy san’atga mos misollar topishga harakat 
qiling.