Microsoft Word Материал резина lotin

Organik pigment - kimyoviy tuzilishi turlicha bo‘lgan sintetik bo‘yoq 
moddalar. Mono va disazopigment mahsulotlari muhim ahamiyatga ega. Bular 
yashil sariq rangdan
to‘q qizil ranggacha bo‘ladi. Ftalo-sianin pigmentning rangi 
och zangori, chidamligi bilan boshqa pigmentdan ajralib turadi. Sariq rangdan 
yashil ranggacha bo‘lgan olovbardosh politsiklik pigmentning ham ahamiyati 
katta. Anorganik pigment - tarkibida ko‘p miqdorda temir oksidlari, sintetik 
mahsulotlar, oz miqdorda sulfidlar, selenidlar, oksidlar va xromatlar bo‘lgan tabiiy 
minerallar. Anorganik pigmentning rangi bo‘yoq, organik pigmentga qaraganda 
kam tatimli, zichligi katta, yorug‘likka chidamli. Pigment, asosan, lok-bo‘yoq 
materiallar (mas, emallar, bo‘yoqlar, jumladan, bosmaxona bo‘yoqlari va badiiy 
bo‘yoklar), shuningdek, plastmassalar, rezinalar, qurilish materiallari, silikat sirlar 
(faqat anorganik pigment), kosmetik preparatlar va boshqa tayyorlashda, sun’iy va 
sintetik tolalarni bo‘yashda, sun’iy charm va gazlamalarga bosma rang berishda 
ko‘plab ishlatiladi.
TAYANCH SO‘Z VA IBORALAR 
Pigmentlar, buyoqlar, saja, inert 
TAKRORLASH UCHUN SAVOLLAR 
1. Rezina sanoatida bo‘yoqlarning axamiyati qanday? 
2. Buyoqlarga qo‘yiladigan asosiy talablar. 
3. Pigmentlarning turlari, xossalari 
4. Pigmentlarning olish manbalari. 

---

149 
3.9 Armirlovchi materiallar  
Tolali materiallarning turlari. Uzun ipsimon yoki qisqa shtapel tolalar 
yigirilgan ip va matolar ishlab chiqarish uchun asosiy material hisoblanadi. 
Rezina sanoatida ishlatiladigan tolali materiallarni kelib chiqishiga ko‘ra uch 
xilga ajratish mumkin: tabiiy, sun’iy va sintetik.
Tabiiy materiallarga: o‘simlik (sellyuloza) – paxta va zig‘ir kiradi; mineral 
material – asbest; hayvonlar materiali – ipak va yung. 
Qayta ishlangan sellyuloza materiallari (viskoza va atsetat tolalar); qayta 
ishlangan mineral xom ashyolar (silikat, shisha tola) mahsulotlari sun’iy 
materiallar hisoblanadi. 
Keyingi paytlarda sintetik tolali materiallar guruhidan (poliamidlar, 
poliefirlar, yasama etilenlardan) foydalanish ancha keng tus oldi.