23-dars. SO‘ZLARDA TOVUSH TUSHISHI
Darsning a) ta’limiy maqsadi: o‘quvchilarda og’zaki va yozma
nutqdagi tovush tushish hodisalari haqida bilim va ko’nikma hosil qilish;
b) tarbiyaviy maqsad: o’quvchilarga turli yot g’oyalarga qarshi
munosabat bildirishlarida diniy va dunyoviy kitoblarning ahamiyatini
singdirish ;
d) rivojlantiruvchi maqsad: o‘quvchilarda talaffuz va imloda tovush
o‘zgarishi hodisalaridan o‘rinli foydalana olish; tinglab tushunish,
o‘qish; gapirish va yozish kabi nutqiy kompetensiya larni shakllantirish
Darsning tashkiliy qismidan so’ng o’quvchilar bilan hadislar va
ularning tarbiyadagi ahamiyati haqida suhbatdan boshlash tavsiya
etiladi.
“O’zgalarga muhtoj bo’lmaslik uchun mehnat qilish inson ning
fazilatidir”
Bahouddin Naqshband haqidagi matn avval o’qituvchi tomonidan
o’qib eshittiriladi. O’quvchilarda TINGLAB TUSHU NISH ko’nikmasini
sinash uchun 5–6 nafar o’quvchidan “Navbat sizga” o’yini orqali matn
GAPIRILADI.
Qo’yilgan muammo: Matnni o‘qing. Matnda ajratilgan so‘z-
larning talaffuzi va yozilishiga e’tibor bering.
Diniy ma’rifatni targ‘ib qilishda, tinch va pokiza hayot kechirishda
bizga ibrat bo‘ladigan ulug‘ bobolarimizdan biri Bahouddin Naqshband
sanaladi.
U 1318-yilda Buxoro yaqinidagi Qasri Orifon qishlog‘ida tavallud
topgan. Bolalik chog‘idanoq ko‘ngli ilmga moyil bo‘lgan.
Bahouddin Naqshband ilmni puxta o‘rganish va targ‘ib qilish bilan
birgalikda usta hunarmand sanalgan. Shoyi gazlamalarga, temir va mis
buyumlarga naqsh solish bilan kun kechirgan. Umrini insonlarga xolis
xizmat qilish bilan o‘tkazgan. O‘z ta’limotiga “Dast ba kor-u dil ba yor!”,
ya’ni “Qo‘ling ishda va diling Allohda bo‘lsin!” degan g‘oyani bosh
shior qilib olgan. Shu bois Amir Temur, Alisher Navoiy, Abdurahmon
Jomiy kabi Sharq allomalari uni o‘zlariga pir (ustoz) deb bilishgan.
Do'stlaringiz bilan baham: |
